ନୂଆଦିଲ୍ଲୀ : ବ୍ୟାଙ୍କରେ ଚାକିରି କରିବାକୁ ଚାହୁଁଛନ୍ତି ଆଶାୟୀ ପ୍ରାର୍ଥୀଙ୍କ ପାଇଁ ଆସିଛି ଖୁସିଖବର । ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (ଏସବିଆଇ) ରେ ବାହାରିଛି ନିଯୁକ୍ତି । ଏସବିଆଇ ଅଧିକାରୀଙ୍କ ଠାରୁ କିରାଣୀ ପଦବୀ ପର୍ଯ୍ୟନ୍ତ ଆବେଦନ ପାଇଁ ଆବେଦନ ଆରମ୍ଭ କରିଛି। ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ ଯେଉଁମାନେ ଏହି ପଦବୀ ପାଇଁ ଆବେଦନ କରିବାକୁ ଚାହୁଁଛନ୍ତି, ସେମାନେ ଏସବିଆଇର ଅଫିସିଆଲ୍ ୱେବସାଇଟ୍ sbi.co.in ପରିଦର୍ଶନ କରି ଆବେଦନ କରିପାରିବେ।
ଏହି ପୋଷ୍ଟଗୁଡିକ ପାଇଁ ଆବେଦନ କରିବାର ଶେଷ ତାରିଖ ହେଉଛି ୧୦ ଜାନୁୟାରୀ ୨୦୨୩। ଏହା ବ୍ୟତୀତ ପ୍ରାର୍ଥୀମାନେ ଏହି ପୋଷ୍ଟଗୁଡିକ ପାଇଁ ସିଧାସଳଖ ଆବେଦନ କରିପାରିବେ https://recruitment.bank.sbi/crpd-2022-23-rs-29/apply । ଏହି ଲିଙ୍କ୍ SBI Recruitment 2022 Notification PDF ଉପରେ କ୍ଲିକ୍ କରି ନିଯୁକ୍ତି ବିଜ୍ଞପ୍ତି ମଧ୍ୟ ଦେଖିପାରିବେ। ଏହି ନିଯୁକ୍ତି ପ୍ରକ୍ରିୟାରେ ସମୁଦାୟ ୧୪୩୮ ଟି ପଦବୀ ପୂରଣ ହେବ ।
ତେବେ ଏହା ପାଇଁ ଅନଲାଇନ୍ ଆବେଦନ ତାରିଖ – ୨୨ ଡିସେମ୍ବର ରଖାଯାଇଛି ଏହାସହ ଅନଲାଇନ୍ ଆବେଦନ କରିବାର ଶେଷ ତାରିଖ – ୧୦ ଜାନୁଆରୀ ରହିଛି । ସରକାରୀ ବିଜ୍ଞପ୍ତିରେ ଦିଆଯାଇଥିବା ପରି ପ୍ରାର୍ଥୀମାନେ ସମ୍ପୃକ୍ତ ଯୋଗ୍ୟତା ପାଇବା ଉଚିତ୍ । ଅବସରପ୍ରାପ୍ତ ଅଧିକାରୀ କିମ୍ବା କର୍ମଚାରୀ ପଦବୀ ପାଇଁ ଆବେଦନ କରିବାକୁ ଯୋଗ୍ୟ ପ୍ରାର୍ଥୀଙ୍କ ବୟସ ୨୨ ଡିସେମ୍ବର ୨୦୨୨ ରେ ୬୩ ବର୍ଷରୁ ଅଧିକ ହେବା ଉଚିତ ନୁହେଁ । ସୂଚନାମୁତାବକ ପ୍ରାର୍ଥୀ ଚୟନ ସର୍ଟଲିଷ୍ଟ ଏବଂ ସାକ୍ଷାତକାର ଉପରେ ଆଧାରିତ ହେବ ।
କାହା ପାଇଁ କେତେ ପଦବୀ:
• ଇଡବ୍ଲ୍ୟୁଏସ୍-୧୨୫
• ଜେନେରାଲ୍-୬୮୦
• ଏସ୍ସି-୧୯୮
• ଓବିସି-୩୧୪
• ଏସ୍ଟି- ୧୨୧
ଦରମା:
• JMGS-I-୩୫,୦୦୦ଟଙ୍କା
• MMGS-II I MMGS-III-୪୦,୦୦୦ଟଙ୍କା
• କ୍ଲରିକାଲ୍-୨୫,୦୦୦ଟଙ୍କା
