ନୂଆଦିଲ୍ଲୀ, ୧୨/୦୪ : ଦକ୍ଷିଣ ଫ୍ଲୋରିଡାର ବୋକା ରେଟନ୍ ନିକଟରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ ବିମାନରେ ଥିବା ସମସ୍ତ ତିନି ଜଣଙ୍କ ମୃତ୍ୟୁ ହୋଇଛି । ଦୁର୍ଘଟଣାଗ୍ରସ୍ତ କ୍ଷୁଦ୍ର ବିମାନ ସେସନା ୩୧୦ ତଳେ ଆସିଯିବାରୁ ଗୋଟିଏ କାର ମଧ୍ୟ ଏହାର ଶିକାର ହୋଇଛି । ଫଳରେ କାର ଚାଳକ ମଧ୍ୟ ଆହତ ହୋଇଛନ୍ତି । ଦୁର୍ଘଟଣା ବାବଦରେ ବୋକା ରେଟନ ଫାୟାର ରେସକ୍ୟୁର ସହାୟକ ମୁଖ୍ୟ ମାଇକେଲ ଲାସେଲ ସୂଚନା ଦେଇଛନ୍ତି । ସେ କହିଛନ୍ତି ଯେ ବିମାନ ଦୁର୍ଘଟଣାରେ ସମସ୍ତ ତିନି ଯାତ୍ରୀଙ୍କ ମୃତ୍ୟୁ ହୋଇଛି । ବିମାନରେ ଭୂମିରେ ପିଟି ହେବା ଫଳରେ ସେଥିରେ ନିଆଁ ଲାଗି ଯାଇଥିଲା । ଦୁର୍ଘଟଣା ପରେ ବୋକା ରେଟନ ବିମାନ ବନ୍ଦରକୁ ସଂଯୋଗ କରୁଥିବା ଅନେକ ରାସ୍ତାକୁ ଅସ୍ଥାୟୀ ଭାବେ ବନ୍ଦ କରାଯାଇଛି । ସିଙ୍ଗର ଏକ ବୟାନରେ କହିଛନ୍ତି ଯେ ଏମର୍ଜେନ୍ସି ରିସପନ୍ସ ଟିମ୍ ସଦସ୍ୟ ଓ ଅଧିକାରୀଙ୍କ ସହ କିଶି କାମ କରୁଛନ୍ତି । ଏହାସହ ସେ ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାର ପ୍ରତି ସମବେଦନା ଜଣାଇଛନ୍ତି । ସେପଟେ FAA ଓ ରାଷ୍ଟ୍ରୀୟ ପରିବହନ ସୁରକ୍ଷା ଗାର୍ଡ (ଏନଟିଏସବି) ମଧ୍ୟ ଦୁର୍ଘଟଣାର ତଦନ୍ତ ଆରମ୍ଭ କରିଛି । ଉଲ୍ଲେଖଯୋଗ୍ୟ ଯେ ଚଳିତ ବର୍ଷ ଆରମ୍ଭରୁ ହିଁ ଆମେରିକାରେ ଅନେକ ବିମାନ ଦୁର୍ଘଟଣାର ଶିକାର ହୋଇଛନ୍ତି ।
