ନୂଆଦିଲ୍ଲୀ, ୦୩/୧୨ : ଦିଲ୍ଲୀ ମହାନଗର ନିଗମ ଉପ ଫଳାଫଳ ଆଜି ଘୋଷଣା ହୋଇଛି । ଦିଲ୍ଲୀ ମହାନଗରର ୧୨ଟି ୱାର୍ଡର ଉପନିର୍ବାଚନ ପାଇଁ ଗତ ନଭେମ୍ବର ୩୦ରେ ମତଦାନ ହୋଇଥିଲା । ଆଜି ଏହାର ଫଳାଫଳ ପ୍ରକାଶ ପାଇଛି । ଫଳାଫଳ ଅନୁସାରେ ୧୨ ଟି ଆସନରୁ ବିଜେପି ୭ଟିରେ, ଆପ୍ ୩ଟିରେ, କଂଗ୍ରେସ ଏବଂ ବାମପନ୍ଥୀ ଗୋଟିଏ ଲେଖାଏଁ ୱାର୍ଡ ଜିତିଛନ୍ତି । ସୂଚନା ଅନୁସାରେ ଦ୍ୱାରକା-ବି ଆସନରେ ବିଜେପି ପ୍ରାର୍ଥୀ ମନୀଷା ସେହରାୱତ ୯,୧୦୦ ଭୋଟରେ ବିଜୟୀ ହୋଇଛନ୍ତି । ଶାଲିମାର ବାଗ-ବି ଆସନରେ ବିଜେପି ପ୍ରାର୍ଥୀ ଅନିତା ଜୈନ ୧୦,୧୦୧ ଭୋଟରେ ବିଜୟୀ ହୋଇଛନ୍ତି । ବିଜେପି ପ୍ରାର୍ଥୀ ରେଖା ରାଣୀ ଦିଚାଉଁ କଲାନ ଆସନରେ ବିଜୟୀ ହୋଇଛନ୍ତି । ବିଜେପି ପ୍ରାର୍ଥୀ ଅଞ୍ଜୁମ ମଣ୍ଡଳ ଗ୍ରେଟର କୈଳାସ ୱାର୍ଡରେ ୧୭୩ ଭୋଟରେ ବିଜୟୀ ହୋଇଛନ୍ତି । ଚାନ୍ଦନୀ ଚୌକ ଆସନରେ ବିଜେପି ୧,୧୮୨ ଭୋଟରେ ବିଜୟୀ ହୋଇଛି । ଆମ ଆଦମୀ ପାର୍ଟି ମୁଣ୍ଡକା ଆସନରେ ବିଜୟୀ ହୋଇଛି । ବିଦ୍ରୋହୀ ଆପ ବିଧାୟକଙ୍କ ପ୍ରାର୍ଥୀ ଚାନ୍ଦନୀ ମହଲ ଆସନରେ ବିଜୟୀ ହୋଇଛନ୍ତି। ବିଜେପି ପ୍ରାର୍ଥୀ ସରଳା ଚୌଧୁରୀ ବିନୋଦ ନଗର ଆସନରେ ୧୭୬୯ ଭୋଟରେ ବିଜୟୀ ହୋଇଛନ୍ତି । କଂଗ୍ରେସର ସୁରେଶ ଚୌଧୁରୀ ସଙ୍ଗମ ବିହାର ଆସନରେ ବିଜୟୀ ହୋଇଛନ୍ତି । ଆମ ଆଦମୀ ପାର୍ଟି ଦକ୍ଷିଣପୁରୀ ଆସନରେ ବିଜୟୀ ହୋଇଛି।
