ଖାଲି ପେଟରେ ଉଷୁମ ପାଣି ସହ ଶୁଣ୍ଠି ଗୁଣ୍ଡ ମିଶାଇ ଖାଇବା ଦ୍ୱାରା ଶରୀରକୁ ଅନେକ ଲାଭ ମିଳିଥାଏ। ଶୁଣ୍ଠିରେ ଅନେକ ଔଷଧୀୟ ଗୁଣ ରହିଛି। ଏହା ସ୍ୱାସ୍ଥ୍ୟ ନିମନ୍ତେ ଅତ୍ୟନ୍ତ ଉପକାରୀ ଅଟେ। ଶୁଣ୍ଠିରେ ଅନେକ ପ୍ରକାରର ପୋଷକ ତତ୍ତ୍ବ ରହିଛି। ଏହା ଶରୀରରେ ମ୍ୟୁକୋଲାଇଟିସ ଭାବେ କାର୍ଯ୍ୟ କରିଥାଏ। ଆସନ୍ତୁ ଜାଣିବା ଶରୀର ପାଇଁ ଶୁଣ୍ଠି କେତେ ଉପକାରୀ ..
ସକାଳୁ ଉଷୁମ ପାଣିରେ ଶୁଣ୍ଠି ଗୁଣ୍ଠ ମିଶାଇ ପିଇବା ଦ୍ବାରା ଆପଣ ସୁସ୍ଥ ରହିବେ। ଏହାଦ୍ବାରା ଫୁସଫୁସରେ ଜମି ରହିଥିବା କଫ ସମସ୍ୟାରୁ ମୁକ୍ତି ମିଳିଥାଏ। ନିୟମିତ ଶୁଣ୍ଠି ମିଶ୍ରିତ ପାଣି ପିଇବା ଆଜମା ରୋଗୀଙ୍କ ପାଇଁ ଲାଭଦାୟକ ଅଟେ। ସେମାନେ ଆଜମା ରୋଗରୁ ମୁକ୍ତି ପାଇଥାଆନ୍ତି। ଏହା ଦ୍ୱାରା ରକ୍ତ ସଠିକ ଭାବେ ସଞ୍ଚାଳନ ହୋଇଥାଏ। ଏହାସହ ହୃଦଘାତ ସମସ୍ୟା ହେବାର ସମ୍ଭାବନା କମ୍ ହୋଇଥାଏ। ପ୍ରତିଦିନ ଶୁଣ୍ଠି ମିଶ୍ରିତ ପାଣି ପିଇବା ଦ୍ୱାରା ବଦହଜମୀ ଓ ଏସିଡିଟି ସମସ୍ୟାରୁ ମୁକ୍ତି ମିଳେ। ଏହାସହ ମେଦବହୁଳତା ଆଶଙ୍କା ଦୂର ହୋଇଥାଏ। ଏହା କିଡନୀ ସମସ୍ୟାରୁ ମୁକ୍ତି ଦେଇଥାଏ।
