ନୂଆଦିଲ୍ଲୀ,୧୬/୩ : ୨୦୧୪ ସାଧାରଣ ନିର୍ବାଚନ ବେଳେ ବିଜେପି ଦେଇଥିବା ପ୍ରତିଶ୍ରୁତିର ସ୍ଥିତି ନେଇ ଲୋକଙ୍କ ପାଖକୁ ଯିବ । ବିରୋଧୀ ଅନ୍ତିମ ସାଧାରଣ ନିର୍ବାଚନ ବେଳେ ବିଜେପି ଦେଇଥିବା ପ୍ରତିଶୃତି ପାଣିର ଗାର ବୋଲି ନିର୍ବାଚନ ବେଳେ ନାରା ଦେଉଥିବା ବେଳେ ଜବାବରେ ବିଜେପି ଶେଷରେ ଏପରି ନିଷ୍ପତ୍ତି ନେଇଛି । ଏଥିପାଇଁ ଏକ ଟିମ୍ କାମ କରୁଛି । ଖୁବଶୀଘ୍ର ସମସ୍ତ ପ୍ରତିଶ୍ରୁତିର ସ୍ଥିତି ଏବଂ ବାକି ଥିବା କାମକୁ ନେଇ ବିଜେପି ଘୋଷଣା କରିବ ବୋଲି କହିଛି ।
ସବୁଠୁ ବଡ଼ କଥା ହେଲା ବିରୋଧୀ ବେକାରୀକୁ ଅମୋଘ ଅସ୍ତ୍ର କରିଥିବା ବେଳେ ବିଜେପି ପ୍ରଥମେ ଚଳିତ ସରକାରରେ କେତେ ନିଯୁକ୍ତି ଦେଇଛି ତା ବାବଦରେ ରିପୋର୍ଟ ପ୍ରସ୍ତୁତ କରୁଥିବା ଜାତୀୟ ଗଣମାଧ୍ୟମ ରିପୋର୍ଟରୁ ଜଣାପଡ଼ିଛି । ଏଥିସହ ଜାତୀୟ ଗଣମାଧ୍ୟମ ’ଇଣ୍ଡିଆ ଟୁଡ଼େ ଗ୍ରୁପ’ ଏକ ସର୍ଭେ କରିଥିଲା ଯେଉଁଥିରେ ବେରୋଜଗାର ଚଳିତ ନିର୍ବାଚନରେ ସବୁଠୁ ବଡ଼ ପ୍ରସଙ୍ଗ ବୋଲି ସର୍ଭେରୁ ଜଣାପଡ଼ିଥିଲା ।
ସୂଚନାଯୋଗ୍ୟ ୨୦୧୪ ସାଧାରଣ ନିର୍ବାଚନରେ ବିଜେପି ୫୪୯ଟି ପ୍ରତିଶ୍ରୁତି ଦେଇଥିଲା ଯେଉଁଥିରୁ ୫୨୦ଟି ପ୍ରତିଶ୍ରୁତି ଉପରେ ମୋଦି ସରକାର କାମ କରିଛନ୍ତି ବୋଲି ଜଣାପଡ଼ିଛି । ବାକି ଥିବା କାମ କାହିଁକି ଅଟକିଛି ବା କାହିଁକି ପଦକ୍ଷେପ ନିଆଯାଇ ନାହିଁ ସେ ନେଇ ରିପୋର୍ଟ ପ୍ରସ୍ତୁତ କରାଯାଉଥିବା ଜଣାପଡ଼ିଛି ।
ପ୍ରଧାନମନ୍ତ୍ରୀ ଭାବେ ନରେନ୍ଦ୍ର ମୋଦି ସରକାରକୁ ଆସିବ ପରେ ମୁଦ୍ରା, ଉଜ୍ଜଳା ଯୋଜନା, ସାରା ଦେଶରେ ଜିଏସଟି ଲାଗୁ କରିବା ଭଳି ସଫଳ ଯୋଜନା ଲାଗୁ କରିଛନ୍ତି । ଯାହାକି ୨୦୧୪ ନିର୍ବାଚନ ବେଳେ ଦିଆଯାଇଥିବା ପ୍ରତିଶ୍ରୁତିରେ ନଥିଲା ତେଣୁ ଏହି ସଫଳତାକୁ ମଧ୍ୟ ବିଜେପି ପ୍ରସ୍ତୁତ ହେଉଥିବା ରିପୋର୍ଟରେ ଯୋଡ଼ିବ ବୋଲି ଜଣାପଡ଼ିଛି ।
