ମଧ୍ୟପ୍ରଦେଶ : ମଧ୍ୟପ୍ରଦେଶରେ ଏପରି ଏକ ଅପହରଣ ଘଟଣା ଘଟିଛି, ଯାହା ଆପଣଙ୍କୁ ଆଶ୍ଚର୍ଯ୍ୟ କରିପାରେ କିମ୍ବା ହସାଇପାରେ | ବର୍ତ୍ତମାନ ସୁଦ୍ଧା ଆପଣ ଶୁଣିଥିବେ ଯେ ଦୁର୍ବୁତ୍ତମାନେ କୌଣସି ବ୍ୟକ୍ତିଙ୍କୁ ଅପହରଣ କରିଥିଲେ, କିନ୍ତୁ ମଧ୍ୟପ୍ରଦେଶରେ ଦୁର୍ବୁତ୍ତମାନେ ଦୁଇଟି ମଇଁଷିକୁ ଅପହରଣ କରିନେଇଥିଲେ ଏବଂ ମଇଁଷି ଦୁଇଟିକୁ ଫେରସ୍ତ କରିବା ପାଇଁ ୫୦ ହଜାର ଟଙ୍କା ମାଗିଥିଲେ।
ପୋଲିସର ସୂଚନାନୁସାରେ, ମଧ୍ୟପ୍ରଦେଶର ବେତୁଲ ଜିଲ୍ଲାର ଅମରଚାନ୍ଦ ପଟେଲ ନାମକ ଜଣେ କୃଷକ ଏକ ପିକଅପ୍ ଭ୍ୟାନରେ ମଇଁଷିମାନଙ୍କୁ ନେଇ ଯାଉଥିବାବେଳେ ମୁଖ୍ୟ ଅଭିଯୁକ୍ତ ଦୀପଚାନ୍ଦ ଏବଂ ତାଙ୍କ ସହକର୍ମୀମାନେ ତାଙ୍କୁ ଅଟକାଇ ଜବରଦସ୍ତ ଦୁଇଟି ମଇଁଷିଙ୍କୁ ସାଙ୍ଗରେ ନେଇଯାଇଥିଲେ । ଏହାର କିଛି ସମୟ ପରେ ଅପହରଣକାରୀମାନେ ପଶୁମାନଙ୍କୁ ନିରାପଦ ଏବଂ ସୁସ୍ଥ ଭାବରେ ଫେରାଇବା ପାଇଁ ୫୦ ହଜାର ଟଙ୍କା ଦେବାକୁ ଅମରଚାନ୍ଦଙ୍କୁ କହିଥିଲେ।
ପରବର୍ତ୍ତୀ ସମୟରେ ଅମରଚାନ୍ଦ ପୋଲିସ ଷ୍ଟେସନକୁ ଯାଇ ଅଭିଯୋଗ କରିଥିଲେ। ତାଙ୍କ ଅଭିଯୋଗକୁ ଭିତ୍ତି କରି ପୋଲିସ ଏକ ମାମଲା ରୁଜୁ କରି ପଚରାଉଚରା ଆରମ୍ଭ କରିଥିଲା, ପରେ ମୁଖ୍ୟ ଅଭିଯୁକ୍ତ ଦୀପଚାନ୍ଦଙ୍କୁ ଗିରଫ କରାଯାଇଥିଲା। ରିପୋର୍ଟ ଅନୁଯାୟୀ, ସେ ଦେଇଥିବା ସୂଚନାକୁ ଆଧାର କରି ପୋଲିସ ଦୁଇଟି ମଇଁଷିଙ୍କ ମଧ୍ୟରୁ ଗୋଟିଏକୁ ଉଦ୍ଧାର କରାଯାଇଥିବାବେଳେ ଅନ୍ୟଟିକୁ ଖୋଜ ଚାଲିଛି ।
