ଅଯୋଧ୍ୟା, ୧୦/୯ : ରାମ ମନ୍ଦିର ନିର୍ମାଣ ପାଇଁ ଦେଶର ବିଭିନ୍ନ ସ୍ଥାନରୁ ଭକ୍ତଙ୍କ ଦ୍ୱାରା ମୁକ୍ତ ହସ୍ତରେ ଦାନ କରାଯାଉଥିବାବେଳେ ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ ଖାତାରୁ ଜାଲିଆତି କରି ଛଅ ଲକ୍ଷ ଟଙ୍କା ହଡପ ହୋଇଥିବା ମାମଲା ସାମ୍ନାକୁ ଆସିଛି | ଦୁଇଟି ବ୍ୟାଙ୍କରୁ ଚେକ୍ କ୍ଲୋନିଙ୍ଗ୍ ଜରିଆରେ ଶ୍ରୀରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟ ଖାତାରେ ଜାଲିଆତି ହୋଇଛି | ତୃତୀୟଥର ଖାତାରୁ ଟଙ୍କା ଉଠାଇବାକୁ ଚେଷ୍ଟା କରିବା ସମୟରେ ଟ୍ରଷ୍ଟର ମହାସଚିବ ଚମ୍ପତ ରାୟଙ୍କ ପାଖକୁ ଫୋନ ଦ୍ୱାରା ସୂଚନା ଦିଆଯାଇଥିଲା | ଟ୍ରଷ୍ଟ ଖାତାରୁ ଟଙ୍କା ଉଠାଇବା ମାମଲାକୁ ନେଇ ହଇଚଇ ସୃଷ୍ଟି ହୋଇଛି | ଅଯୋଧ୍ୟା ଥାନାରେ ଜାଲିଆତି ବିରୋଧ ମାମଲା ରୁଜ୍ଜୁ କରି ତଦନ୍ତ ଆରମ୍ଭ ହୋଇଛି |
ଟ୍ରଷ୍ଟ ମହାସଚିବ ଚମ୍ପତ ରାୟ ଯେତେବେଳେ ଖାତା ଚେକ କରିଥିଲେ ଆକାଉଣ୍ଟରୁ ୬ ଲକ୍ଷ ଟଙ୍କା ବାହାର କରାଯାଇଥିବା ଜାଣିବାକୁ ପାଇଲେ | ଏହାପରେ ରାମ ଜନ୍ମ ଭୂମି ତୀର୍ଥ କ୍ଷେତ୍ର ଟ୍ରଷ୍ଟର ପଦାଧିକାରୀ ଏ ମାମଲାରେ ଅଯୋଧ୍ୟା ପୋଲିସକୁ ସୂଚନା ଦେଇ ମାମଲା ରୁଜ୍ଜୁ କରିଛନ୍ତି | ଟ୍ରଷ୍ଟ ତରଫରୁ ମିଳିଥିବା ସୂଚନା ଆଧାରରେ ମାମଲା ରୁଜ୍ଜୁ କରି କାର୍ଯ୍ୟାନୁଷ୍ଠାନ ଆରମ୍ଭ କରାଯାଇଛି |
ଡିଏସ୍ପି କହନ୍ତି, ବ୍ୟାଙ୍କ୍ର ଅବହେଳା ବୋଲି ଠକାମିରୁ ସ୍ପଷ୍ଟ ଜଣାପଡୁଛି। ଚେକ୍ର କ୍ରମିକ ସଂଖ୍ୟା ପ୍ରତି ଦୃଷ୍ଟି ଦିଆ ନ ଯାଇଥିବାରୁ ଠକମାନେ ନକଲି ଚେକ୍ ପ୍ରସ୍ତୁତ କରିବାରେ ସଫଳ ହୋଇଛନ୍ତି। ଜାଲ୍ ଚେକ୍ରେ ରାୟ ଓ ଟ୍ରଷ୍ଟ୍ର ଅନ୍ୟ ଜଣେ ସଦସ୍ୟ ଙ୍କର ଜାଲ୍ ଦସ୍ତଖତ କରାଯାଇଛି। ଉଠାଯାଇଥିବା ଟଙ୍କା ପଞ୍ଜାବ ନ୍ୟାସ୍ନାଲ୍ ବ୍ୟାଙ୍କ୍ରେ ଥିବା ଏକ ଆକାଉଣ୍ଟ୍କୁ ଟ୍ରାନ୍ସଫର୍ ହୋଇଛି।
ଠକଦଳ ଓ ଟ୍ରଷ୍ଟ୍ର ବ୍ୟାଙ୍କ୍ ଆକାଉଣ୍ଟ୍ ବିବରଣୀ ପ୍ରଘଟ କରିବାରେ ସମ୍ପୃକ୍ତ ଲୋକଙ୍କୁ ଚିହ୍ନଟ କରିବା ଲାଗି ପୁଲିସ ଉଦ୍ୟମ ଚଳାଇଛି।
