ନୂଆଦିଲ୍ଲୀ, ୨୦/୦୪ : ଆସାମରେ ଘଟିଛି ବିଭତ୍ସ ହତ୍ୟାକାଣ୍ଡ । ଜଣେ 60 ବର୍ଷୀୟ ବୃଦ୍ଧ ପ୍ରଥମେ ତାଙ୍କ ସ୍ତ୍ରୀଙ୍କୁ ହତ୍ୟା କରିଥିଲେ ଏବଂ ପରେ ତାଙ୍କ ମୁଣ୍ଡକୁ ଅଲଗା କରି ଥାନାରେ ପହଞ୍ଚିଥିଲେ । ସେ ତାଙ୍କ ସ୍ତ୍ରୀଙ୍କ କଟା ମୁଣ୍ଡ ପୋଲିସଙ୍କ ସାମ୍ନାରେ ରଖି ତାଙ୍କୁ ଗିରଫ କରିବାକୁ ଅନୁରୋଧ କଲେ । ପୋଲିସର ସୂଚନା ଅନୁଯାୟୀ, ଅଭିଯୁକ୍ତ ଶନିବାର ରାତିରେ ତାଙ୍କ ସ୍ତ୍ରୀଙ୍କୁ ହତ୍ୟା କରିଥିଲେ । ପୋଲିସ ଅଭିଯୁକ୍ତ ବୃଦ୍ଧଙ୍କୁ ବିତିଶ ହାଜଙ୍ଗ ବୋଲି ଚିହ୍ନଟ କରିଛି । ଅଭିଯୁକ୍ତକୁ ଗିରଫ କରିବା ସହିତ ବ୍ୟବଚ୍ଛେଦ ପାଇଁ ପଠାଇଛି । ଏପର୍ଯ୍ୟନ୍ତ ତଦନ୍ତରୁ ଜଣାପଡିଛି ଯେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବହୁତ ଦିନ ଧରି ଝଗଡା ହେଉଥିଲା। ଅଭିଯୁକ୍ତ ସ୍ୱାମୀ ଦିନ ମଜୁରିଆ ଭାବରେ କାମ କରନ୍ତି । ଶନିବାର ଦିନ ମଧ୍ୟ ତାଙ୍କର ପତ୍ନୀଙ୍କ ସହ ଝଗଡ଼ା ହୋଇଥିଲା ଏବଂ ପରେ ସେ ଏହି ଘଟଣା ଘଟାଇଥିଲେ ।
କଟାମୁଣ୍ଡ ଧରି ସାଇକେଲରେ ଥାନା- ପୋଲିସର ସୂଚନା ଅନୁଯାୟୀ, ଅଭିଯୁକ୍ତ ବ୍ୟକ୍ତି ତାଙ୍କ ସ୍ତ୍ରୀଙ୍କ କଟା ମୁଣ୍ଡକୁ ସାଇକେଲରେ ଧରି ପୋଲିସ ଷ୍ଟେସନରେ ପହଞ୍ଚିଥିଲେ । ସେ ପୋଲିସ ଷ୍ଟେସନକୁ ଯାଇ ସେଠାରେ ଉପସ୍ଥିତ ପୋଲିସ ଅଧିକାରୀମାନଙ୍କୁ କହିଲେ ଯେ ସେ ତାଙ୍କ ସ୍ତ୍ରୀଙ୍କୁ ହତ୍ୟା କରିଛନ୍ତି । ଏହା ପରେ, ପୋଲିସ ତାଙ୍କୁ ଗିରଫ କରିଥିଲା ଏବଂ ତାଙ୍କ ଇଙ୍ଗିତରେ ତାଙ୍କ ସ୍ତ୍ରୀଙ୍କ ମୃତଦେହକୁ ଉଦ୍ଧାର କରିଥିଲା ।
ଚିରାଙ୍ଗର ଅତିରିକ୍ତ ପୋଲିସ ଅଧୀକ୍ଷକ ରଶ୍ମିରେଖା ଶର୍ମା କହିଛନ୍ତି ଯେ ଆମେ ମୃତଦେହକୁ ହେପାଜତକୁ ନେଇ ପୋଷ୍ଟମର୍ଟମ ପାଇଁ ପଠାଇଛୁ । ଫୋରେନସିକ୍ ବିଶେଷଜ୍ଞମାନେ ଆସି ନମୁନା ସଂଗ୍ରହ କରିଛନ୍ତି । ଜଣେ ବ୍ୟକ୍ତିଙ୍କୁ ଅଟକ ରଖାଯାଇଛି ଏବଂ ଆମର ତଦନ୍ତ ଜାରି ରହିଛି । ରଶ୍ମିରେଖା ଶର୍ମା କହିଛନ୍ତି ଯେ ଆମେ ତାଙ୍କ ସ୍ୱାମୀଙ୍କୁ ଗିରଫ କରିଛୁ । ବର୍ତ୍ତମାନ ଏହି ମାମଲାରେ ଅଧିକ ତଦନ୍ତ କରାଯାଉଛି ।
