ନୂଆଦିଲ୍ଲୀ, ୧୫/୧୦ : ପଶ୍ଚିମବଙ୍ଗ ଦୁର୍ଗାପୁରରେ ଓଡ଼ିଆ ଡାକ୍ତରୀ ଛାତ୍ରୀଙ୍କୁ ଗଣଦୁଷ୍କର୍ମ ମାମଲାର ମୁଖ୍ୟ ଅଭିଯୁକ୍ତ ଗିରଫ । ପୀଡ଼ିତାଙ୍କ ପୁରୁଷ ବନ୍ଧୁଙ୍କୁ ଗିରଫ କରିଛି ପଶ୍ଚିମବଙ୍ଗ ପୋଲିସ । ପୀଡିତାଙ୍କ ବାପା ଦାୟର କରିଥିବା ଏଫଆଇଆରକୁ ଭିତ୍ତି କରି ଏହି ଗିରଫଦାରୀ ହୋଇଛି । ଆଜି ଗିରଫ ମୁଖ୍ୟ ଅଭିଯୁକ୍ତକୁ କୋର୍ଟ ଚାଲାଣ କରାଯିବ । ‘ତଦନ୍ତ ଓ ଡାକ୍ତରୀ ମାଇନାରୁ ଗଣଦୁଷ୍କର୍ମ ହୋଇନଥିବା ସ୍ପଷ୍ଟ’ ହୋଇଥିବା ଆସାନସୋଲ-ଦୁର୍ଗାପୁର ସିପି ସୁନୀଲ କୁମାର କହିଛନ୍ତି । ‘ଦୁଷ୍କର୍ମରେ କେବଳ ଜଣେ ଅଭିଯୁକ୍ତର ଭୂମିକା ରହିଛି । ପୀଡ଼ିତା ପୋଲିସକୁ ଦେଇଥିବା ବୟାନରେ ମଧ୍ୟ ପୁରୁଷ ବନ୍ଧୁଙ୍କ ସହ ବାହାରକୁ ଯାଇଥିବା ବେଳେ ଦୁଷ୍କର୍ମର ଶିକାର ହୋଇଥିବା କହିଥିଲେ ।
ଗତକାଲି ଗିରଫ ପାଞ୍ଚ ଅଭିଯୁକ୍ତଙ୍କୁ ନେଇ କ୍ରାଇମ ସିନ ରିକ୍ରିଏଟ କରିଥିଲା ଆସାନସୋଲ- ଦୁର୍ଗାପୁର ପୋଲିସ । କ୍ରାଇମ ସିନରୁ ପ୍ରମାଣ ଯୋଗାଡ଼ କରିଛି ପୋଲିସ । ପୀଡ଼ିତାଙ୍କ ବୟଫ୍ରେଣ୍ଡ ମଧ୍ୟ କ୍ରାଇମସିନ ରିକ୍ରିଏସନ ବେଳେ ଉପସ୍ଥିତ ରହିଥିଲା । ପରାଣଗଞ୍ଜ ଜଙ୍ଗଲ ଅଞ୍ଚଳରେ ହୋଇଥିଲା କ୍ରାଇମସିନ ରିକ୍ରିଏସନ । ପୂରା ଘଟଣାର ଭିଡିଓଗ୍ରାଫି କରାଯାଇଥିଲା । ଅଭିଯୁକ୍ତଙ୍କ ପୋଷାକକୁ ଫୋରେନସିକ ଲାବକୁ ପରୀକ୍ଷା ପାଇଁପଠାଯିବ। ଅଭିଯୁକ୍ତଙ୍କୁ ମୁହାଁମୁହିଁ ଜେରା କରାଯାଇଛି । ସମସ୍ତଙ୍କ ଲାଏ ଡିଟେକ୍ସନ ଟେଷ୍ଟ ହେବ । କିଛି ନିକଟସ୍ଥ ଗ୍ରାମବାସୀଙ୍କୁ ମଧ୍ଯ ପଚରାଉଚରା କରାଯାଇଛି । ଅକ୍ଟୋବର ୧୦ ତାରିଖରେ ପଶ୍ଚିମବଙ୍ଗ ଦୁର୍ଗାପୁରର ଏକ ଘରୋଇ ମେଡିକାଲ କଲେଜରେ ପଢୁଥିବା ଓଡ଼ିଆ ଛାତ୍ରୀଙ୍କୁ ଗଣଦୁଷ୍କର୍ମ କରାଯାଇଥିଲା ।
