ଭୁବନେଶ୍ୱର, ୧୭/୧୦ : ଆଗାମୀ ନୂଆପଡା ଉପନିର୍ବାଚନ ପ୍ରଚାର ପାଇଁ ଦଳର ସୁପ୍ରିମୋ ନବୀନ ପଟ୍ଟନାୟକ ୫୨ ବିଜେଡି ନେତାଙ୍କୁ ନିୟୋଜିତ କରିଛନ୍ତି । ବିଜେଡି ସଭାପତି ତଥା ପୂର୍ବତନ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଜି ଜାରି କରିଥିବା ବିଜେଡି କାର୍ଯ୍ୟାଳୟ ଅର୍ଡରରେ ଏହା ଘୋଷଣା କରିଛନ୍ତି। ତାଲିକାରେ ନୂଆପଡା ବ୍ଲକ ପାଇଁ ୧୮ ଜଣ, ନୂଆପଡା ଏନଏସି ପାଇଁ ୮ ଜଣ, କୋମନା ବ୍ଲକ ପାଇଁ ୧୮ ଜଣ ଏବଂ ଖରିଆର ରୋଡ୍ ଏନଏସି ପାଇଁ ୮ ଜଣ ନେତାଙ୍କୁ ନିୟୋଜିତ କରାଯାଇଛି। ତାଲିକାରେ ନିରଞ୍ଜନ ପୂଜାରୀ, ସଞ୍ଜୟ ଦାସ ବର୍ମା, ଅରୁଣ ସାହୁ, ପ୍ରତାପ ଜେନା, ଦିବ୍ୟଶଙ୍କର ମିଶ୍ର, ପ୍ରୀତିରଞ୍ଜନ ଘରାଇ, ଧ୍ରୁବ ସାହୁ, ମନୋହର ରନ୍ଧାରୀ, ପ୍ରଦୀପ ଦିସାରି ଏବଂ ତୁଷାରକାନ୍ତି ବେହେରାଙ୍କ ସମେତ ଅନ୍ୟମାନେ ସାମିଲ ଅଛନ୍ତି।
