ଓଡିଶା ଖବର ବ୍ୟୁରୋ : ଆମେ ଋଣ ପାଇଁ ଆବେନଦ କଲେ ସିବିଲ୍ (CIBIL) ସ୍କୋରର ନିହାତି ଆବଶ୍ୟକତା ଥାଏ । ଋଣ ପାଇବାକୁ ସିବିଲ୍ ସ୍କୋର ଅଧିକ ଥିବା ନିହାତି ଆବଶ୍ୟକ । କିନ୍ତୁ ଋଣ ଆବେଦନ ସମୟରେ ବେଳେବେଳେ କମ୍ ସିବିଲ୍ ସ୍କୋର ପାଇଁ ଆମେ ଚିନ୍ତାରେ ପଡ଼ୁ । ସବୁକିଛି ଠିକ୍ ଥାଇ ମଧ୍ୟ କାହିକିଁ ସିବିଲ୍ ସ୍କୋର କମିଲା ଜଣାପଡ଼େ ନାହିଁ । ତେବେ ଜାଣନ୍ତୁ ନିଜର ସିବିଲ୍ ସ୍କୋର ବଢ଼ାଇବା ପାଇଁ କ’ଣ କରିବା ଉଚିତ୍ ।
ସିବିଲ୍ ସ୍କୋର ହେଉଛି ତିନୋଟି ଅଙ୍କ ବିଶିଷ୍ଟ ସଂଖ୍ୟା ଯାହା ଆପଣଙ୍କର ଋଣର ଇତିହାସ ଏବଂ ଋଣ ପରିଶୋଧ କ୍ଷମତାକୁ ପ୍ରତିଫଳିତ କରେ । ଏହା ୩୦୦ ରୁ ୯୦୦ ପର୍ଯ୍ୟନ୍ତ ଥାଏ । । ସ୍କୋର ଯେତେ ଅଧିକ ହେବ, ଆପଣଙ୍କର ଋଣ ପାଇବାର ସମ୍ଭାବନା ସେତେ ଅଧିକ ହେବ ଏବଂ ସୁଧ ହାର ମଧ୍ୟ ସେତେ କମ୍ ହେବ । ଯଦି ଆପଣଙ୍କର ସିବିଲ୍ ସ୍କୋର ୭୫୦ କିମ୍ବା ତା’ଠାରୁ ଅଧିକ ହେବ, ତେବେ ବ୍ୟାଙ୍କଗୁଡ଼ିକ ଆପଣଙ୍କ ଋଣ ଆବେଦନକୁ ସହଜରେ ଏବଂ ସହଜରେ ଅନୁମୋଦନ କରିପାରନ୍ତି । ଯଦି ସ୍କୋର ୬୫୦ କିମ୍ବା ତା’ଠାରୁ କମ୍ ହେବ, ତେବେ ଋଣ ମିଳିବା କଷ୍ଟକର ଏବଂ ସୁଧହାର ମଧ୍ୟ ଅଧିକ ରହିବ । ତେଣୁ ସିବିଲ୍ ସ୍କୋର ଅଧିକ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
ଆପଣଙ୍କ ସିବିଲ୍ ସ୍କୋର ବଢ଼ାଇବା ପାଇଁ ପ୍ରଥମେ ଧ୍ୟାନ ଦିଅନ୍ତୁ ଯେ ଯେପରି ଆପଣଙ୍କର କୌଣସି ଚେକ୍ ବାଉନ୍ସ ନହୁଏ । କ୍ରେଡିଟ୍ କାର୍ଡ଼ ବ୍ୟବହାର କରୁଥିଳେ ବିଲ୍ ଠିକ୍ ସମୟରେ ଭରନ୍ତୁ । କେବେବି EMI ପେମେଣ୍ଟ ହାତଛଡ଼ା କରନ୍ତୁ ନାହିଁ , EMI ପାଇଁ ଧାର୍ଯ୍ୟ ହୋଇଥିବା ତାରିଖ ପୂର୍ବରୁ ଆକାଉଣ୍ଟରେ ଟଙ୍କା ଜମାକରି ରଖନ୍ତୁ । ପୁରୁଣା କ୍ରେଡିଟ୍ ଆକାଉଣ୍ଟଗୁଡ଼ିକ ଖୋଲା ରଖନ୍ତୁ । କ୍ରେଡିଟ୍ କାର୍ଡ ର ଅର୍ଥ ୩୦% ରୁ କମ୍ ବ୍ୟବହାର ଜାରି ରଖନ୍ତୁ । ବାରମ୍ବାର ଋଣ ପାଇଁ ଆବେଦନ କରନ୍ତୁ ନାହିଁ । ଋଣ ପାଇଁ ବହୁ ପ୍ରକାରର କ୍ରେଡିଟ୍ ରଖନ୍ତୁ। କ୍ରେଡିଟ୍ କାର୍ଡର ପୂର୍ଣ୍ଣ ବିଲ୍ ରାଶି ପରିଶୋଧ କରନ୍ତ । ଜଏଣ୍ଟ ଋଣ ନେଇଥିଲେ ମଧ୍ୟ ଠିକ୍ ସମୟରେ ସୁଝନ୍ତୁ । ଏସବୁ ର ବ୍ୟତିକ୍ରମ ଆପଣଙ୍କ ସିବିଲ୍ ସ୍କୋର ହ୍ରାସ କରିବ । ସିବିଲ୍ ସ୍କୋର ପ୍ରତିବର୍ଷ ଯାଞ୍ଚ କରନ୍ତୁ ଏବଂ ନିଶ୍ଚିତ ରୁହନ୍ତୁ ଯେ ଆପଣଙ୍କ ସିବିଲ୍ ସ୍କୋର ଆପଣଙ୍କ ବ୍ୟବହାର ଅନୁସାରେ ଠିକ୍ ରହିଛି ।
