ନୂଆ ଘର ନିର୍ମାଣ ପରେ ଗୃହ ପ୍ରବେଶ ବିଧି ରହିଛି। ଗୃହ ପ୍ରବେଶ ପୂଜା ଘରର ପବିତ୍ରତା ଏବଂ ଶୁଦ୍ଧତା ପାଇଁ କରାଯାଏ। ଏହି ସମୟରେ ପୁରୋହିତଙ୍କ ଦ୍ୱାରା ପୂଜା-ରୀତି କରାଯାଏ ଏବଂ କିଛି ପରମ୍ପରା ମଧ୍ୟ କରାଯାଏ। ଗୃହ ପ୍ରବେଶର ଅନେକ ପରମ୍ପରା ମଧ୍ୟରୁ ଗୋଟିଏ ହେଉଛି ‘କ୍ଷୀର ଫୁଟାଇବା’। ଏହାକୁ ଏକ ଗୁରୁତ୍ୱପୂର୍ଣ୍ଣ ବିଧି ଭାବରେ ବିବେଚନା କରାଯାଏ। ଏହି ବିଧିରେ, ନୂତନ ରୋଷେଇ ଘରେ କ୍ଷୀର ଫୁଟାଯାଏ। ଫୁଟୁଥିବା କ୍ଷୀର ଚୁଲିରେ ପଡ଼ିବା ମଧ୍ୟ ଗୁରୁତ୍ୱପୂର୍ଣ୍ଣ। ସାଧାରଣତଃ କ୍ଷୀର ଫୁଟି ବାରମ୍ବାର ତଳେ ପଡ଼ିବା ଭଲ ବୋଲି ବିବେଚନା କରାଯାଏ ନାହିଁ। କିନ୍ତୁ ଗୃହ ପ୍ରବେଶ ସମୟରେ ଏହି ବିଧି କରିବାର ପରମ୍ପରା ବର୍ଷ ବର୍ଷ ଧରି ଚାଲି ଆସୁଛି।
ଆସନ୍ତୁ ଜାଣିବା ଏହି ବିଧି ସହିତ ଜଡ଼ିତ କିଛି ବିଶ୍ୱାସର କଥା…
ହିନ୍ଦୁଧର୍ମରେ କ୍ଷୀରକୁ ସମୃଦ୍ଧି ଏବଂ ପବିତ୍ରତାର ପ୍ରତୀକ ଭାବରେ ବିବେଚନା କରାଯାଏ। ଯେତେବେଳେ କେହି ନୂତନ ଘରେ ପ୍ରବେଶ କରନ୍ତି, ସେତେବେଳେ ନୂତନ ଚୁଲିରେ କ୍ଷୀର ଫୁଟାଯାଏ ଏବଂ ଏହା ସୁନିଶ୍ଚିତ କରାଯାଏ ଯେ, କ୍ଷୀର ଉଛୁଳିଯାଏ ଏବଂ ଫୁଟିବା ପରେ ତଳେ ପଡ଼ିଯାଏ । ତା’ପରେ ଚୁଲି ବନ୍ଦ କରାଯାଏ। ଯେତେବେଳେ କ୍ଷୀର ଉତୁରୁି ଚୁଲି ଉପରେ ପଡ଼ିଯାଏ, ଏହା ଘରର ସୁଖ ଏବଂ ସମୃଦ୍ଧିକୁ ବୃଦ୍ଧି କରେ ବୋଲି ବିଶ୍ୱାସ ରହିଛି। କ୍ଷୀର ଉତୁରି ପାତ୍ରରୁ ଯେମିତି ବାହାରକୁ ଆସେ, ସେହିପରି ଘରର ସୁଖ ଏବଂ ସମୃଦ୍ଧି ମଧ୍ୟ ଉଛୁଳି ବାହାରକୁ ଆସେ।
ଆଉ ଏକ ବିଶ୍ୱାସ ହେଉଛି, ନୂଆ ଘର ନିର୍ମାଣ ସମୟରେ ନକାରାତ୍ମକ ଶକ୍ତି କିମ୍ବା ବାସ୍ତୁ ଦୋଷ ଦ୍ୱାରା ପ୍ରଭାବିତ ହେବାର ଭୟ ଥାଏ। କ୍ଷୀରରେ ପବିତ୍ରତା ଏବଂ ଶୁଦ୍ଧିର ଗୁଣ ଥାଏ। ତେଣୁ କ୍ଷୀରରୁ ବାହାରୁଥିବା ବାଷ୍ପ ନକାରାତ୍ମକ ଶକ୍ତିକୁ ଦୂର କରେ ଏବଂ ପରିବେଶକୁ ପବିତ୍ର କରେ।
ଜ୍ୟୋତିଷ ଶାସ୍ତ୍ର ଅନୁଯାୟୀ, କ୍ଷୀରକୁ ଚନ୍ଦ୍ରର କାରକ ଏବଂ ଚୁଲି (ଅଗ୍ନି)କୁ ମଙ୍ଗଳର କାରକ ବୋଲି ବିବେଚନା କରାଯାଏ। ଗୃହନିର୍ମାଣ ସମୟରେ ଚୁଲିରେ କ୍ଷୀର ପଡ଼ିବା ମଙ୍ଗଳ ଏବଂ ଚନ୍ଦ୍ରଙ୍କ ଏକ ଶୁଭ ମିଳନ ବୋଲି ବିଶ୍ୱାସ ରହିଛି।
