ବଞ୍ଚିତ ଯୁବପିଢ଼ିଙ୍କ ଦକ୍ଷତା ବିକାଶ ପାଇଁ ଏନଆଇଓଏସ୍ ଏବଂ ସେଞ୍ଚୁରିଅନ ବିଶ୍ୱବିଦ୍ୟାଳୟ ମଧ୍ୟରେ ବୁଝାମଣା ପତ୍ର ସ୍ୱାକ୍ଷରିତ

ଭୁବନେଶ୍ୱର, ୧୪/୦୨ : ଭାରତର ବଞ୍ଚିତ ଯୁବପିଢ଼ି ଏବଂ ସ୍କୁଲ୍ ଅଧାରୁ ପାଠ ଛାଡ଼ିଥିବା ପିଲାମାନଙ୍କୁ ଦକ୍ଷତା ଭିତ୍ତିକ ଶିକ୍ଷା ମାଧ୍ୟମରେ ସ୍ୱାବଲମ୍ବୀ କରିବା ପାଇଁନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଓପନ୍ ସ୍କୁଲିଂ (NIOS)ଏବଂସେଞ୍ଚୁରିଅନ ବିଶ୍ୱବିଦ୍ୟାଳୟ (CUTM)ମଧ୍ୟରେ ଏକ ରଣନୈତିକ ବୁଝାମଣା ପତ୍ର (MoU) ସ୍ୱାକ୍ଷରିତ ହୋଇଛି। ଭୁବନେଶ୍ୱରଠାରେ ଆୟୋଜିତ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଏହି ସହଭାଗିତା ଘୋଷଣା କରାଯାଇଛି। ଏହି ସହଭାଗିତା ମାଧ୍ୟମରେ NIOSର ସାର୍ବଜନୀନ ବିଦ୍ୟାଳୟ ଶିକ୍ଷା ଏବଂ ସେଞ୍ଚୁରିଅନ ବିଶ୍ୱବିଦ୍ୟାଳୟର ୧୦୦ରୁ ଅଧିକ ବଜାର-ଭିତ୍ତିକ ଦକ୍ଷତା ବିକାଶ ପାଠ୍ୟକ୍ରମକୁ ଏକତ୍ର କରାଯାଇଛି। ଏହାଦ୍ୱାରା ବୃତ୍ତିଗତ ତାଲିମ ଗ୍ରହଣ କରୁଥିବା ଛାତ୍ରଛାତ୍ରୀମାନେ ସହଜରେ ଆନୁଷ୍ଠାନିକ ଶିକ୍ଷା ସହିତ ଯୋଡ଼ି ହୋଇପାରିବେ।

ଏକାଡେମିକ୍ ଇଣ୍ଟିଗ୍ରେସନ:ବୃତ୍ତିଗତ ତାଲିମ ନେଉଥିବା ଛାତ୍ରଛାତ୍ରୀଙ୍କୁ ଦଶମ ଓ ଦ୍ୱାଦଶ ଶ୍ରେଣୀର ସମାନତା ପ୍ରମାଣପତ୍ର ପ୍ରଦାନ କରାଯିବ।
କ୍ରେଡିଟ୍ ଟ୍ରାନ୍ସଫର ସିଷ୍ଟମ: NIOS ଏବଂ ସେଞ୍ଚୁରିଅନ ବିଶ୍ୱବିଦ୍ୟାଳୟର ପାଠ୍ୟକ୍ରମ ମଧ୍ୟରେ କ୍ରେଡିଟ୍ ଆଦାନପ୍ରଦାନ (Transfer of Credit) ପାଇଁ ବ୍ୟବସ୍ଥା କରାଯିବ।
ଆପ୍ରେଣ୍ଟିସିପ୍-ଭିତ୍ତିକ ଶିକ୍ଷା:ଶିଳ୍ପ ସଂସ୍ଥାଗୁଡ଼ିକରେ ସ୍ୱିକୃତିପ୍ରାପ୍ତ କେନ୍ଦ୍ର ସ୍ଥାପନ କରି ମାନୁଫ୍ୟାକଚରିଂ ଏବଂ ସର୍ଭିସ୍ ସେକ୍ଟରରେ ଡିପ୍ଲୋମା ପ୍ରଦାନ କରାଯିବ।
ରାଷ୍ଟ୍ରୀୟ ସ୍ତରରେ ପ୍ରସାର: NCVET ଅଧୀନରେ ସମଗ୍ର ଭାରତରେ ଦକ୍ଷତା ଆକଳନ ଏବଂ ପ୍ରମାଣପତ୍ର ପ୍ରଦାନ କରାଯିବ।
NIOSର ସମ୍ପାଦକକର୍ଣ୍ଣେଲ ସାକିଲ ଅହମ୍ମଦଏହି ଅବସରରେ କହିଛନ୍ତି, “ଏହି ସହଭାଗିତା ବୃତ୍ତିଗତ ତାଲିମ ଏବଂ ଆନୁଷ୍ଠାନିକ ବିଦ୍ୟାଳୟ ଶିକ୍ଷା ମଧ୍ୟରେ ଥିବା ପ୍ରତିବନ୍ଧକକୁ ଦୂର କରିବ। ଏହାଦ୍ୱାରା ଶିକ୍ଷାର୍ଥୀମାନେ ଏକ ନମନୀୟ ଶିକ୍ଷା ପଦ୍ଧତି ପାଇବା ସହ ସମଗ୍ର ଦେଶରେ ସ୍ୱିକୃତିପ୍ରାପ୍ତ ପ୍ରମାଣପତ୍ର ପାଇପାରିବେ।” ସେଞ୍ଚୁରିଅନ ବିଶ୍ୱବିଦ୍ୟାଳୟର କୁଳପତିପ୍ରଫେସର ସୁପ୍ରିୟା ପଟ୍ଟନାୟକକହିଛନ୍ତି, “ଶିକ୍ଷା ଜୀବିକା ସହିତ ଜଡ଼ିତ ହେବା ଆବଶ୍ୟକ। NIOS ସହିତ ମିଶି ଆମେ ବଞ୍ଚିତ ଯୁବପିଢ଼ିଙ୍କୁ ଏକ ଆନୁଷ୍ଠାନିକ ଶିକ୍ଷାଗତ ପରିଚୟ ଦେବା ସହ ଆଧୁନିକ କର୍ମସଂସ୍ଥାନ ପାଇଁ ବୈଷୟିକ ଜ୍ଞାନକୌଶଳରେ ଦକ୍ଷ କରିପାରିବୁ। ଏହି MoU ସ୍ୱାକ୍ଷର କାର୍ଯ୍ୟକ୍ରମରେ NIOSର ଭୋକେସନାଲ ଏଡୁକେସନ ଡାଇରେକ୍ଟରଡଃ ଟିଏନ୍ ଗିରି, ସେଞ୍ଚୁରିଅନ ବିଶ୍ୱବିଦ୍ୟାଳୟର ସଭାପତିପ୍ରଫେସର ମୁକ୍ତିକାନ୍ତ ମିଶ୍ର, ପ୍ରୋ-ଭାଇସ୍ ଚାନ୍ସେଲରଡଃ ଅଜୟ କୁମାର ନାୟକଏବଂପ୍ରଫେସର ବିଶ୍ୱଜିତ୍ ମିଶ୍ର, ଗ୍ରାମ୍ ତରଙ୍ଗର କୋ-ଫାଉଣ୍ଡରଅଭିନବ ମଦାନଏବଂ ବିଶ୍ୱବିଦ୍ୟାଳୟର ନିର୍ଦ୍ଦେଶକଡଃ ଜଗନ୍ନାଥ ପାଢ଼ୀପ୍ରମୁଖ ଉପସ୍ଥିତ ଥିଲେ।