ଭୁବନେଶ୍ବର, ୧୬/୦୭ : ଆଜି ପବିତ୍ର ଘୋଷଯାତ୍ରା । ଏହି ପର୍ବ ପ୍ରତିବର୍ଷ ପୁରୀରେ ବହୁତ ଆନନ୍ଦ ଓ ଭକ୍ତିର ସହିତ ପାଳନ କରାଯାଏ । ଏହି ଦିନ ଭଗବାନ ଜଗନ୍ନାଥ, ବଡ଼ ଭାଇ ବଳଭଦ୍ର ଏବଂ ଭଉଣୀ ସୁଭଦ୍ରା ତିନୋଟି ସୁନ୍ଦର ରଥରେ ବସି ଶ୍ରୀମନ୍ଦିରରୁ ଗୁଣ୍ଡିଚା ମନ୍ଦିରକୁ ଯାଆନ୍ତି । ଏହି ଯାତ୍ରାକୁ ରଥଯାତ୍ରା ବୋଲି କୁହାଯାଏ । ରଥଯାତ୍ରା ଦିନ ସକାଳୁ ପୁରୀ ସହର ଭକ୍ତମାନଙ୍କରେ ପୂର୍ଣ୍ଣ ହୋଇଯାଏ । ଦେଶ ଓ ବିଦେଶରୁ ଲକ୍ଷ ଲକ୍ଷ ଲୋକ ଏହି ପବିତ୍ର ଉତ୍ସବ ଦେଖିବାକୁ ଆସନ୍ତି। ଭକ୍ତମାନେ ଭଗବାନଙ୍କ ଦର୍ଶନ କରି ନିଜକୁ ଧନ୍ୟ ମନେ କରନ୍ତି । ରଥ ଟାଣିବାକୁ ସମସ୍ତଙ୍କ ମନରେ ବହୁତ ଉତ୍ସାହ ଥାଏ । ଲୋକମାନଙ୍କ ବିଶ୍ୱାସ ଯେ, ଭକ୍ତିର ସହିତ ରଥ ଟାଣିଲେ ପୁଣ୍ୟ ମିଳେ । ଆଜି ଭଙ୍କ ଭଗବାନଙ୍କର ହେବ ମହାମିଳନ । ବଡ଼ ଦାଣ୍ଡରେ ସକାଳୁ ଚାଲିଛି ବର୍ଷା । ଏହି ବର୍ଷାକୁ ଲୋକେ ଖାତିର ନକରି ଭକ୍ତିରେ ଆଗକୁ ବଢ଼ିଚାଲିଛନ୍ତି ।
ରଥଯାତ୍ରା ପୂର୍ବରୁ ତିନୋଟି ବଡ଼ ରଥ ପ୍ରସ୍ତୁତ କରାଯାଏ । ଭଗବାନ ଜଗନ୍ନାଥଙ୍କ ରଥର ନାମ ନନ୍ଦିଘୋଷ, ବଳଭଦ୍ରଙ୍କ ରଥର ନାମ ତାଳଧ୍ୱଜ ଏବଂ ସୁଭଦ୍ରାଙ୍କ ରଥର ନାମ ଦର୍ପଦଳନ । କାଠରେ ତିଆରି ହୋଇଥିବା ଏହି ରଥଗୁଡ଼ିକୁ ବହୁତ ସୁନ୍ଦର ଭାବରେ ସଜାଯାଏ। ରଙ୍ଗିନ କପଡ଼ା, ପତାକା ଏବଂ ଫୁଲରେ ରଥଗୁଡ଼ିକ ଅତ୍ୟନ୍ତ ଆକର୍ଷଣୀୟ ଦେଖାଯାଏ ।ରଥଯାତ୍ରା ସମୟରେ ଗଜପତି ମହାରାଜ ସୁନାର ଝାଡୁରେ ରଥ ଆଗରେ ସଫା କରନ୍ତି । ଏହି ପରମ୍ପରାକୁ ଛେରା ପହଁରା କୁହାଯାଏ । ଏହା ଆମକୁ ଶିଖାଏ ଯେ ସମସ୍ତେ ସମାନ ଏବଂ ସେବା କରିବା ସବୁଠାରୁ ବଡ଼ କାମ ।
ରଥଯାତ୍ରା କେବଳ ଏକ ଧାର୍ମିକ ପର୍ବ ନୁହେଁ, ଏହା ଭାଇଚାରା, ଏକତା ଓ ପ୍ରେମର ପ୍ରତୀକ ମଧ୍ୟ । ଏହି ଦିନ ଲୋକମାନେ ଜାତି, ଧର୍ମ ଓ ଭାଷାର ଭେଦଭାବ ଭୁଲି ଏକାଠି ହୋଇ ଉତ୍ସବ ପାଳନ କରନ୍ତି । ସବୁଠାରେ ଭକ୍ତିମୟ ପରିବେଶ ସୃଷ୍ଟି ହୁଏ । ଭଜନ, କୀର୍ତ୍ତନ ଓ ଜୟ ଜଗନ୍ନାଥ ଧ୍ୱନିରେ ପୁରୀ ସହର ମୁଖରିତ ହୋଇଯାଏ । ଆଜିର ରଥଯାତ୍ରା ଆମ ସମସ୍ତଙ୍କ ପାଇଁ ଆନନ୍ଦ, ଭକ୍ତି ଓ ଆଶାର ବାର୍ତ୍ତା ଆଣିଥାଏ । ଏହି ପବିତ୍ର ଦିନରେ ଆମେ ଭଗବାନ ଜଗନ୍ନାଥଙ୍କ ପାଖରେ ସମସ୍ତଙ୍କ ସୁଖ, ଶାନ୍ତି ଓ ସମୃଦ୍ଧି ପାଇଁ ପ୍ରାର୍ଥନା କରୁ । ଆମେ ସମସ୍ତେ ଭଲ କାମ କରିବା, ବଡ଼ମାନଙ୍କୁ ସମ୍ମାନ କରିବା ଏବଂ ସମସ୍ତଙ୍କୁ ଭଲ ପାଇବା ଉଚିତ । ରଥଯାତ୍ରା ଆମର ସଂସ୍କୃତି, ପରମ୍ପରା ଓ ଗୌରବର ପ୍ରତୀକ । ଏହି ପର୍ବ ଆମକୁ ଏକତା, ସେବା, ପ୍ରେମ ଓ ଭକ୍ତିର ଶିକ୍ଷା ଦେଇଥାଏ । ସେଥିପାଇଁ ରଥଯାତ୍ରା ପ୍ରତ୍ୟେକ ଓଡ଼ିଆଙ୍କ ଜୀବନରେ ଏକ ବିଶେଷ ଓ ସ୍ମରଣୀୟ ପର୍ବ ।
