ନୂଆଦିଲ୍ଲୀ, ୩/୯ : ହ୍ୟାକ ହେଲା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବ୍ୟକ୍ତିଗତ ଟ୍ୱିଟର ଆକାଉଣ୍ଟ। ଗତକାଲି ବିଳମ୍ବିତ ରାତ୍ରି ପ୍ରାୟ ୩ଟା ୧୫ ମିନିଟରେ ମୋଦିଙ୍କ ବ୍ୟକ୍ତିଗତ ଓ୍ୱେବସାଇଟ୍ର ଟ୍ୱିଟର ଆକାଉଣ୍ଟ ହ୍ୟାକ ହୋଇଥିବା ଜଣାପଡିଛି । ତେବେ ହ୍ୟାକର ମାନେ କରୋନା ଭାଇରସ ରିଲିଫ ଫଣ୍ଡ ପାଇଁ ଦାନରେ ବିଟ୍କଏନ୍ ଦେବା ପାଇଁ କହିଥିବା ଜଣାପଡିଛି ।
ଟ୍ୱିଟର ଆକାଉଣ୍ଟ ହ୍ୟାକ୍ ହେବା ପରେ ଆକ୍ସନ ମୁଡ଼ରେ ଆସିଯାଇଛନ୍ତି ଟ୍ୱିଟର କର୍ତ୍ତୃପକ୍ଷ । ତୁରନ୍ତ ଏହି ଆକାଉଣ୍ଟରୁ ହୋଇଥିବା ଟ୍ୱିଟ୍କୁ ଡିଲିଟ କରିଛନ୍ତି । ପ୍ରଧାନମନ୍ତ୍ରୀଙ୍କ ବ୍ୟକ୍ତିଗତ ଓ୍ୱେବସାଇଟ୍ର ଟ୍ୱିଟର ଆକାଉଣ୍ଟ ହ୍ୟାକ୍ ହେବା ପରେ ହ୍ୟାକରେ ଲେଖିଛନ୍ତି ଯେ, ଆପଣମାନଙ୍କୁ “ମୁଁ ଅପିଲ୍ କରୁଛି.. କୋଭିଡ଼-୧୯ ମହାମାରୀ ମୁକାବିଲା ପାଇଁ ଆପଣମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରିଲିଫ୍ ଫଣ୍ଡକୁ ଟଙ୍କା ଦାନ କରନ୍ତୁ” । ଏହା ସହିତ ହ୍ୟାକର ଏହା ମଧ୍ୟ ଲେଖିଛି ଯେ, ପେଟିଏମ୍ ହ୍ୟାକ୍ ପଛରେ ମୋର କୌଣସି ହାତ ନାହିଁ ।
ସୂଚନାଯୋଗ୍ୟ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବ୍ୟକ୍ତିଗତ ଓ୍ୱେବସାଇଟ ଏକ ଭେରିଫାଏଡ଼ ଟ୍ୱିଟର ଆକାଉଣ୍ଟ ଅଟେ । ଏଥିରେ ୨୫ଲକ୍ଷରୁ ଅଧିକ ଫଲୋଅର୍ସ ଅଛନ୍ତି ।
