ନୂଆଦିଲ୍ଲୀ, ୧୯/୧୧ : ବିଶ୍ୱ ଦରବାରରେ ଭାରତର ପ୍ରଭାବ କ୍ରମାଗତ ଭାବେ ବଢ଼ିଚାଲିଛି । ବିଶ୍ୱରେ ଭାରତର ବଢୁଥିବା ପ୍ରଭାବ ଯୋଗୁଁ ଚୀନ୍ ଭାରତକୁ ଏକ ପ୍ରତିଦ୍ୱନ୍ଦ୍ୱୀ ବୋଲି ବିବେଚନା କରୁଛି। ଆମେରିକାର ବୈଦେଶିକ ବିଭାଗ ଏକ ରିପୋର୍ଟରେ ଏଭଳି ଏକ ଖବର ପ୍ରକାଶ ପାଇଛି । ଆମେରିକା ରାଷ୍ଟ୍ରପତି ନିର୍ବାଚନରେ ଡେମୋକ୍ରାଟିକ୍ ପାର୍ଟି ପ୍ରାର୍ଥୀ ଜୋ ବିଡେନଙ୍କ ବିଜୟ ପରେ ଏହି ବିସ୍ତୃତ ତଥ୍ୟ ସାମ୍ନାକୁ ଆସିଛି ।
ବିଶ୍ବରେ ଭାରତର ବଢୁଥିବା ପ୍ରଭାବକୁ ନେଇ ଚୀନ୍ ପାଇଁ ବିପଦ ବୋଲି ସେଥିରେ ବିବେଚନା ହୋଇଛି । ସେଥିରେ ଉଲ୍ଲେଖ ଅଛି ଯେ ଚୀନ୍ ଅନେକ ଦେଶର ସୁରକ୍ଷା, ସ୍ବାଧୀନତା ଏବଂ ଅର୍ଥନୈତିକ ସ୍ୱାର୍ଥକୁ ଦୁର୍ବଳ କରୁଛି। ରିପୋର୍ଟ ଅନୁଯାୟୀ, ସେପଟେ ଆମେରିକା ତାର ସହଯୋଗୀ ତଥା ଅନ୍ୟ ଗଣତାନ୍ତ୍ରିକ ଦେଶମାନଙ୍କ ସହିତ ଏହାର ରଣନୀତିକ ଭାଗିଦାରୀକୁ ଭଣ୍ଡୁର କରିବାକୁ ଚାହୁଁଛି । ଯାହା ଦ୍ବାରା ଆମେରିକା ମହାଶକ୍ତି ଭାବରେ ବିସ୍ଥାପିତ ହୋଇପାରିବ।
ରିପୋର୍ଟରେ କୁହାଯାଇଛି ଯେ ଚୀନ୍ ଭାରତକୁ ପ୍ରତିଦ୍ୱନ୍ଦ୍ୱୀ ଭାବରେ ଦେଖୁଛି ଏବଂ ଆମେରିକା, ଜାପାନ, ଅଷ୍ଟ୍ରେଲିଆ ସହ ନୂଆଦିଲ୍ଲୀର ରଣନୀତିକ ଭାଗିଦାରୀ ତଥା ଅନ୍ୟ ଦେଶ ସହ ସମ୍ପର୍କକୁ ଭଣ୍ଡୁର କରିବାକୁ ଚେଷ୍ଟା କରୁଛି। ଆର୍ଥିକ ଦୃଷ୍ଟିରୁ ଏହା ବେଜିଂର ଅଭିଳାଷକୁ ସୁଧାରିବାକୁ ଭାରତ ଉପରେ ଚାପ ପକାଇବାକୁ ଚେଷ୍ଟା କରୁଛି। ”
