କାଲିଫର୍ଣ୍ଣିଆ, ୪/୦୬ : ଶିଶୁ ପାଇଁ ମା କ୍ଷୀର ଅମୃତସମାନ I ଏହି କାରଣରୁ ଅନେକ ମା ଜନ୍ମ ପରେ ଶିଶୁକୁ ଦୀର୍ଘ ସମୟ ପର୍ଯ୍ୟନ୍ତ ସ୍ତନ୍ୟପାନ କରାନ୍ତି I କିନ୍ତୁ ଅନେକ ଥର, ଉପଯୁକ୍ତ ଖାଦ୍ୟ ଗ୍ରହଣ ନ କରିବା କିମ୍ବା ଅନ୍ୟାନ୍ୟ କାରଣରୁ, କ୍ଷୀର ସୃଷ୍ଟି ହୁଏ ନାହିଁ, ଯେଉଁ କାରଣରୁ ପିତାମାତା ନିରାଶ ହୋଇପଡନ୍ତି I ଏବେ ଟେକ୍ନୋଲୋଜି ଏତେ ପରିମାଣରେ ଅଗ୍ରଗତି କରିଛି ଯେ ମା’ କ୍ଷୀର ଲାବୋରେଟୋରୀ ପ୍ରସ୍ତୁତ ହୋଇପାରିବ I
ଆମେରିକାର ମହିଳା ବୈଜ୍ଞାନିକମାନେ ବିଶ୍ୱରେ ପ୍ରଥମ ଥର ପାଇଁ ଏହି ଦୁଗ୍ଧ ପ୍ରସ୍ତୁତ କରିଛନ୍ତି I ବୈଜ୍ଞାନିକମାନେ ଏହାକୁ ‘ବାୟୋମିଲ୍କ’ ବୋଲି ନାମ ଦେଇଥିବାବେଳେ ସେମାନେ କହିଛନ୍ତି ଯେ ବାୟୋମିଲ୍କରେ ଥିବା ପୋଷକ ତତ୍ତ୍ୱର ପରୀକ୍ଷା ମଧ୍ୟ କରାଯାଇଛି I ମା’ କ୍ଷୀର ଭଳି ‘ବାୟୋମିଲ୍କ’ରେ ମଧ୍ୟ ପୋଷକ ତତ୍ତ୍ୱ, ପ୍ରୋଟିନ୍, ଫ୍ୟାଟି ଏସିଡ୍ ଏବଂ ଅନ୍ୟାନ୍ୟ ଭିଟାମିନ ପର୍ଯ୍ୟାପ୍ତ ପରିମାଣରେ ରହିଛି I ବାୟୋମିଲ୍କ ତିଆରି କରୁଥିବା କମ୍ପାନୀର ସହ-ପ୍ରତିଷ୍ଠାତା ତଥା ମୁଖ୍ୟ ବିଜ୍ଞାନ ଅଧିକାରୀ ହେଉଛନ୍ତି ଲେଲା ଷ୍ଟ୍ରିକଲ୍ୟାଣ୍ଡ I ବୈଜ୍ଞାନିକମାନେ କହିଛନ୍ତି ଯେ ତିନି ବର୍ଷ ମଧ୍ୟରେ ଏହି ଦୁଗ୍ଧ ବଜାରରେ ଉପଲବ୍ଧ ହେବ I.
