ଶୀତଋତୁରେ ଅଧିକ ଥଣ୍ଡା କାରଣରୁ ତ୍ୱଚାରେ ଡ୍ରାଏନେସ୍ ଆସିବା ଆରମ୍ଭ ହୁଏ, ଯେଉଁଥିପାଇଁ ଶୀତଦିନେ ଚର୍ମ ଫାଟିବା ମଧ୍ୟ ଆରମ୍ଭ ହୋଇଥାଏ । ମୁହଁରେ କେମିକାଲ୍ ମଶ୍ଚରାଇଜର ଲଗାଇବା ଦ୍ୱାରା ମୁହଁର ଶୁଷ୍କତା କମ୍ ହୋଇଯାଇଥାଏ, କିନ୍ତୁ ଏହାର ଅନେକ ଖରାପ ପ୍ରଭାବ ମଧ୍ୟ ତ୍ୱଚାରେ ଦେଖାଯାଏ । କିନ୍ତୁ ଆପଣ ଜାଣନ୍ତି କି ଚେହେରାକୁ ଚମକଦାର ଏବଂ ନରମ କରିବା ପାଇଁ ଆପଣ ମୁହଁରେ ଦେଶୀ ଘିଅ ଲଗାଇ ପାରିବେ?
ବାସ୍ତବରେ ଦେଶୀ ଘିଅ ଆପଣଙ୍କ ସ୍କିନ୍, କେଶ ଏବଂ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଭଲ ହୋଇଥାଏ । କିନ୍ତୁ ଦେଶୀ ଘିଅ ଦ୍ୱାରା ବିୟୁଟି ବେନିଫିଟ୍ ବିଷୟରେ ଖୁବ୍ କମ୍ ଲୋକ ଜାଣନ୍ତି । ତେବେ ଅନେକ ଲୋକ ଅଛନ୍ତି ମୁହଁରେ ଘିଅ କିପରି ବ୍ୟବହାର କରିବେ ଜାଣନ୍ତି ନାହିଁ, ଏହି କାରଣରୁ ସେମାନେ ଘିଅର ଉପକାରିତା ବିଷୟରେ ଜାଣିପାରନ୍ତି ନାହିଁ । ତାହେଲେ ଆସନ୍ତୁ ଜାଣିବା ଯେ ସ୍କିନ୍ରେ ଘିଅ ଲଗାଇବାର ଫାଇଦା କ’ଣ ଏବଂ ଏହାକୁ କିପରି ଲଗାଇବା ।
ଶୀତ ଋତୁରେ ଅଧିକାଂଶ ଲୋକ ଡ୍ରାଏ ସ୍କିନ୍ ସମସ୍ୟାରେ ଅସୁବିଧାରେ ପଡ଼ନ୍ତି । ଡ୍ରାଏ ସ୍କିନ୍ ଯୋଗୁଁ ମୁହଁର ଚମକ କମିଯାଏ । ଡ୍ରାଏ ସ୍କିନ୍ ଯୋଗୁଁ ତ୍ୱଚା ମଧ୍ୟ ଦୁର୍ବଳ ଓ ନିର୍ଜୀବ ଦେଖାଯାଏ । ଯଦି ଆପଣଙ୍କ ତ୍ୱଚା ମଧ୍ୟ ଶୁଷ୍କ ଏବଂ ନିର୍ଜୀବ ଦେଖାଯାଉଛି, ତେବେ ଆପଣ ନିଜ ଚେହେରାର ଚମକ ବଢାଇବା ପାଇଁ ଦେଶୀ ଘିଅ ବ୍ୟବହାର କରିପାରିବେ । ତେବେ ଆସନ୍ତୁ ଜାଣିବା ମୁହଁରେ ଦେଶୀ ଘିଅ କିପରି ଲଗାଇବେ । ଉଜ୍ଜ୍ୱଳ ତ୍ୱଚା ପାଇଁ ଆପଣ ଦେଶୀ ଘିଅକୁ ନାଇଟ୍ କ୍ରିମ୍ ଭାବରେ ବ୍ୟବହାର କରିପାରିବେ । ରାତିରେ ଦେଶୀ ଘିଅ ଲଗାଇ ମୁହଁରେ ଶୋଇବା ଦ୍ୱାରା ତ୍ୱଚାରେ ଡ୍ରାଏନେସ ହୋଇନଥାଏ ।
ଘିଅ ଲଗାଇବା ପୂର୍ବରୁ ତ୍ୱଚାକୁ ଭଲ ଭାବେ ସଫା କରନ୍ତୁ। ଏହା ପରେ ଆଙ୍ଗୁଠି ସାହାଯ୍ୟରେ ଦେଶୀ ଘିଅ ମୁହଁରେ ଲଗାନ୍ତୁ । ଶୀତ ଋତୁରେ ମୁହଁ ମାଲିସ କରିବା ମଧ୍ୟ ବହୁତ ଲାଭଦାୟକ ହୋଇଥାଏ । ଘିଅରେ ମୁହଁକୁ ମାଲିସ୍ କରିବା ଦ୍ୱାରା ତ୍ୱଚା ସୁସ୍ଥ ରହିଥାଏ, ସେହିପରି ତ୍ୱଚାକୁ ଅନେକ ପୋଷକ ତତ୍ତ୍ୱ ମଧ୍ୟ ମିଳିଥାଏ । ସେହିଭଳି ଘିଅ ଫାଟିଥିବା ଓଠକୁ ନରମ ଏବଂ ଚମକଦାର ମଧ୍ୟ କରିଥାଏ । ଯଦି ଆପଣଙ୍କ ଓଠ ଫାଟିଯାଏ ତେବେ ଆପଣ ପ୍ରତିଦିନ ଆପଣଙ୍କ ଓଠରେ ଘିଅକୁ ଲିପ୍ ବାମ୍ ଭାବରେ ବ୍ୟବହାର କରିପାରିବେ । ଏହା ଆପଣଙ୍କ ଓଠକୁ ମଇଶ୍ଚରାଇଜ୍ ରଖିବ ।
