ଭୁବନେଶ୍ୱର, ୧୮/୧୦ : ଆଜିଠୁ ସାଇବର ସେଫ୍ଟି କ୍ୟାମ୍ପେନ। ଏକମାସ ଧରି ହେବାକୁ ଥିବା ଏହି କାର୍ଯ୍ୟକ୍ରମକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ସାଇବର ସୁରକ୍ଷା ନେଇ ସଚେତନା ସୃଷ୍ଟି ଏହି କାର୍ଯ୍ୟକ୍ରମର ମୁଖ୍ୟ ଉଦେଶ୍ୟ। ନଭେମ୍ବର ୧୭ ତାରିଖ ପର୍ଯ୍ୟନ୍ତ ଚାଲିବ ଏହି ସଚେତନତା କାର୍ଯ୍ୟକ୍ରମ। ଏଥିପାଇଁ ସବୁ ଜିଲ୍ଲାରେ ଗଡ଼ିବ ୧୬ଟି ସାଇବାର ରଥ। ଏହି ଅବସରରେ ଗତକାଲି ମାସ୍କଟ ସାଇରାକୁ ଉନ୍ମୋଚନ କରିଛନ୍ତି ପୋଲିସ ଡିଜି ୱାଇ.ବି. ଖୁରାନିଆ। ଗତକାଲି କାର୍ଯ୍ୟକ୍ରମର ଥିମ୍ ସଙ୍ଗକୁ ଉନ୍ମୋଚନ କରିଛନ୍ତି ପୋଲିସ ଡିଜି। ମାସେ ବ୍ୟାପି ଚାଲିବାକୁ ଥିବା କାର୍ଯ୍ୟକ୍ରମରେ ବିଭିନ୍ନ ପ୍ରତିଯୋଗିତା କରାଯିବ। ସାଇବର ସେଫଟିକୁ ନେଇ ଯୁବପିଢ଼ି ରିଲ ପ୍ରସ୍ତୁତ କରି ଏହାକୁ ସାଇବର ୱିଂସକୁ ଟ୍ୟାଗ ମଧ୍ୟ କରିପାରିବେ।
