ନୂଆଦିଲ୍ଲୀ, ୧୦/୦୮ : ରୁଷରେ ଏକ ବଡ଼ ଭୂମିକମ୍ପ ଅନୁଭୂତ ହୋଇଛି । ଏହାର ତୀବ୍ରତା ୬.୦ ମାପ କରାଯାଇଥିଲା । ରୁଷର ସେଭେରୋ-କୁରିଲସ୍କର ପୂର୍ବ ଦକ୍ଷିଣ-ପୂର୍ବରେ ୨୬୭ କିଲୋମିଟର ଦୂରରେ ରିକ୍ଟର ସ୍କେଲରେ ୬.୦ ତୀବ୍ରତାର ଏକ ଭୂମିକମ୍ପ ହୋଇଥିଲା ।” ଜୁଲାଇ ୩୦ ତାରିଖରେ ରୁଷିଆର କାମଚାଟକା ଦ୍ୱୀପରେ ୮.୮ ତୀବ୍ରତାର ଏକ ଶକ୍ତିଶାଳୀ ଭୂମିକମ୍ପ ହୋଇଥିଲା । ଏହି ଭୂମିକମ୍ପରେ ହଇଚଇ ସୃଷ୍ଟି ହୋଇଥିଲା । ଏହି ଭୂମିକମ୍ପ ଯୋଗୁଁ ପ୍ରଶାନ୍ତ ମହାସାଗରର ଉପକୂଳବର୍ତ୍ତୀ ଅଞ୍ଚଳରେ ସୁନାମି ଚେତାବନୀ ଜାରି କରାଯାଇଥିଲା । ଜୁଲାଇ ୩୦ ତାରିଖରେ ଘଟିଥିବା ଭୂମିକମ୍ପ ବିଶ୍ୱର ୧୦ଟି ବଡ଼ ଭୂମିକମ୍ପ ମଧ୍ୟରେ ସାମିଲ୍ ଥିଲା । ଏହି କାରଣରୁ ଜାପାନ, ଆମେରିକା ଏବଂ ଚିଲି ଭଳି ଦେଶଗୁଡ଼ିକୁ ହାଇ ଆଲର୍ଟରେ ରଖାଯାଇଛି । କାମଚାଟକାରେ ହୋଇଥିବା ଭୂମିକମ୍ପ ପରେ, ରୁଷରେ ଲଗାତାର ଭୂମିକମ୍ପ ଅନୁଭୂତ ହେଉଛି । କାମଚାଟକାରେ ହୋଇଥିବା ଭୂମିକମ୍ପ ପରେ, ସେହି ଅଞ୍ଚଳରେ ୬.୦ ତୀବ୍ରତାର ଆଉ ଏକ ଭୂମିକମ୍ପ ହୋଇଥିଲା । ଏହି ଭୂମିକମ୍ପ ପେଟ୍ରୋପାଭଲୋଭସ୍କ-କାମଚାଟସ୍କି ଠାରୁ ପ୍ରାୟ ୧୦୮ କିଲୋମିଟର ଦୂରରେ ଘଟିଥିଲା ।
