ଅନେକ ଖାଦ୍ୟ ଅଛି ଯାହା ଆମ ସ୍ବାସ୍ଥ୍ୟ ପାଇଁ ଖୁବ୍ ଲାଭଦାୟକ ହୋଇଥାଏ । ସେହି ହେଲଦି ଖାଇବା ମଧ୍ୟରେ କଳାଚଣା ହେଉଛି ଅନ୍ୟତମ । ଯାହା ଆମ ସ୍ବାସ୍ଥ୍ୟ ଉପଯୋଗୀ ବୋଲି ବିବେଚନା କରାଯାଏ । କଳାଚଣା ଅପେକ୍ଷା ଭିଜା ଚଣା ଆମ ଶରୀରକୁ ଦ୍ବିଗୁଣିତ ଫାଇଦା ଦେଇଥାଏ । ଭିଜା ଚଣାରେ କାର୍ବୋହାଇଡ୍ରେଟ୍, ଚର୍ବି, ଫାଇବର, କ୍ୟାଲସିୟମ୍, ଲୌହ ଏବଂ ଭିଟାମିନ୍ ଥାଏ । ଯାହା ଖାଇବା ଦ୍ୱାରା ଚମତ୍କାର ଲାଭ ମିଳିପାରିବ । ତେଣୁ ଖାଲି ପେଟରେ ଭିଜା ଚଣା ଖାଇବାକୁ ଡ଼ାକ୍ତରମାନେ ପରାମର୍ଶ ଦେଇଥାଆନ୍ତି । ତେବେ ଆସନ୍ତୁ ଏହାର ଲାଭକାରୀ ଗୁଣ ସମ୍ପର୍କରେ ଜାଣିବା ।
ପାଚନକ୍ରିୟାରେ ଉନ୍ନତି : ଭିଜା ଚଣାରେ ଫାଇବରର ମାତ୍ରା ଥାଏ । ଯାହା ଖାଇବା ଦ୍ବାରା ଭଲ ପରିଣାମ ମିଳିଥାଏ । ଏହା ସହଜରେ ଅପଚୟ ଦୂର କରିଥାଏ । କୋଷ୍ଠକାଠିନ୍ୟକୁ ରୋକିବା ସହିତ ବଦହଜମୀକୁ ହ୍ରାସ କରିବାରେ ସାହାଯ୍ୟ କରିଥାଏ । ବିଷାକ୍ତ ପଦାର୍ଥକୁ ବାହାର କରି ଆପଣଙ୍କ ଶରୀରକୁ ସଫା କରେ ।
ରୋଗପ୍ରତିରୋଧକ ଶକ୍ତିକୁ ସୁଦୃଢ କରେ : ଭିଜା ଚଣା ଖାଇବା ଦ୍ବାରା ରୋଗ ପ୍ରତିରୋଧକ ଶକ୍ତିକୁ ସୁଦୃଢ କରେ । ତେଣୁ ଆପଣ ଆପଣଙ୍କ ଦୈନନ୍ଦୀନ ଖାଇବା ଲିଷ୍ଟରେ ଭିଜା ଚଣା ସାମିଲ କରିବାକୁ ଆଦୌ ଭୁଲନ୍ତୁ ନାହିଁ । ଯାହା ଖାଇଲେ ଆପଣଙ୍କ ସ୍ବାସ୍ଥ୍ୟରେ ପରିବର୍ତ୍ତନ ଆଣେ ।
ହାର୍ଟ ପାଇଁ ଲାଭଦାୟକ : ଭିଜା କଳା ଚଣା ହାର୍ଟ ପାଇଁ ବେଷ୍ଟ ହୋଇଥାଏ । ଯାହା ରକ୍ତ ପ୍ରବାହକୁ ଉନ୍ନତ କରି ଏବଂ ଧମନୀରେ ଅବରୋଧ ହ୍ରାସ କରି ହୃଦୟ ସ୍ୱାସ୍ଥ୍ୟକୁ ସମର୍ଥନ କରେ । ଏହା ପ୍ଲାକ୍ ଜମାଟ ବାନ୍ଧିବା ଏବଂ ରକ୍ତ ଜମାଟ ବାନ୍ଧିବା ରୋକିବାକୁ ସାହାଯ୍ୟ କରେ । ଏହାକୁ ନିୟମିତ ଭାବରେ ଖାଇବା ଦ୍ବାରା ଆପଣଙ୍କୁ ଶକ୍ତିଶାଳୀ ଏବଂ ସୁସ୍ଥ ହାର୍ଟ ସୁସ୍ଥରଖିବାକୁ ସହାୟକ କରେ । ଏଥିସହ ଏହା ରକ୍ତଚାପକୁ ନିୟନ୍ତ୍ରଣ କରିଥାଏ । ଏଥିରେ ଥିବା ଆଣ୍ଟି ଇମଫ୍ଲୋମେଣ୍ଟାରୀ ଗୁଣ ହାର୍ଟ ସମ୍ବନ୍ଧୀୟ ରୋଗର ଆଶଙ୍କାକୁ ହ୍ରାସ କରିଥାଏ ।
ଓଜନ ନିୟନ୍ତ୍ରଣ କରେ : ଆପଣ ଓଜନ ହ୍ରାସ କରିବାକୁ ଚାହୁଁଛନ୍ତି କି ? ଯଦି ହଁ ତେବେ ଏପରି ଅଭ୍ୟାସ କରନ୍ତୁ । ଭିଜା କଳା ଚଣା ଆପଣଙ୍କୁ ପେଟକୁ ଘଣ୍ଟା ଘଣ୍ଟା ପର୍ଯ୍ୟନ୍ତ ପୂରାଇ ରଖେ । ତେଣୁ ଖାଦ୍ୟ ଖାଇବା ଏବଂ ଅତ୍ୟଧିକ ଖାଇବାକୁ ନିୟନ୍ତ୍ରଣ କରେ । ଓଜନ ହ୍ରାସ ପାଇଁ ଭିଜା ଚଣା ସର୍ବୋତ୍ତମ । ଏହା ଆପଣଙ୍କ ମେଟାବୋଲିଜିମକୁ ତ୍ୱରାନ୍ୱିତ କରି ଚର୍ବି ନଷ୍ଟ କରିବାରେ ମଧ୍ୟ ସାହାଯ୍ୟ କରେ ।
କେଶ ପାଇଁ ଉପକାରୀ : କଳା ଚଣାରେ ପ୍ରୋଟିନ୍, ଜିଙ୍କ୍ ଏବଂ ଭିଟାମିନ୍ ବି୬ର ଏକ ପ୍ରଚୁର ମାତ୍ରାରେ ରହିଛି । ଯାହା କେଶ ବୃଦ୍ଧି ପାଇଁ ଅତ୍ୟନ୍ତ ଜରୁରୀ । ଏହା କେଶ ଝଡ଼ିବା ଭଳି ସମସ୍ୟାରୁ ରକ୍ଷା କରିଥାଏ । ଏଥିସହ କେଶକୁ ଘନ କରିଥାଏ । ଏଥିରେ ଥିବା ମାଙ୍ଗାନିଜ୍ କେଶକୁ ଧଳା ହେବାରୁ ରୋକିଥାଏ ।
