ନୂଆଦିଲ୍ଲୀ : ପାକିସ୍ତାନରେ ଦୁର୍ବୁତ୍ତମାନେ ଏକ ହିନ୍ଦୁ ମନ୍ଦିରକୁ ଭାଙ୍ଗି ଦେଇଛନ୍ତି। ପାକିସ୍ତାନର ପାଖ୍ଟନଖୱା ପ୍ରଦେଶର କୋହାଟର କରକ ଜିଲ୍ଲାରେ ଏହି ଘଟଣା ଘଟିଛି। ମନ୍ଦିରର ସମ୍ପ୍ରସାରଣ କାର୍ଯ୍ୟକୁ ବିରୋଧ କରି ଦୁର୍ବୁତ୍ତମାନେ ପୁରୁଣା ନିର୍ମାଣ ସହିତ ନୂତନ ନିର୍ମାଣକୁ ମଧ୍ୟ ଭାଙ୍ଗି ଦେଇଛନ୍ତି।
ଏହି ସମଗ୍ର ମାମଲାରେ ଏପର୍ଯ୍ୟନ୍ତ କାହାକୁ ଗିରଫ କରା ହୋଇନାହିଁ। ଖାଇବର ପାଖ୍ଟନଖୱା ମୁଖ୍ୟମନ୍ତ୍ରୀ ମହମୁଦ ଖାନ ମନ୍ଦିର ଉପରେ ହୋଇଥିବା ଆକ୍ରମଣକୁ ଦୁର୍ଭାଗ୍ୟଜନକ ଘଟଣା ବୋଲି କହିଛନ୍ତି। ସେ ଏ ସମ୍ପର୍କରେ ପୋଲିସଠାରୁ ରିପୋର୍ଟ ମାଗି ଏହି ଘଟଣାରେ ସମ୍ପୃକ୍ତ ଲୋକଙ୍କୁ ତୁରନ୍ତ ଗିରଫ କରିବାକୁ ନିର୍ଦ୍ଦେଶ ଦେଇଛନ୍ତି।
ହିନ୍ଦୁ ସମ୍ପ୍ରଦାୟର ନେତା ପେଶୱାର ହାରୋନ୍ ସରବାୟାଲ କହିଛନ୍ତି ଯେ ମନ୍ଦିର ସ୍ଥଳରେ ଜଣେ ହିନ୍ଦୁ ଧାର୍ମିକ ନେତାଙ୍କ ସମାଧି ଅଛି ଏବଂ ଦେଶର ବିଭିନ୍ନ ସ୍ଥାନରୁ ହିନ୍ଦୁ ପରିବାରମାନେ ଗୁରୁବାର ଦିନ ସମାଧି ପରିଦର୍ଶନ କରନ୍ତି। ସେ କହିଛନ୍ତି ଯେ ଏହି ଘଟଣା ହିନ୍ଦୁ ସମ୍ପ୍ରଦାୟର ଭାବନାକୁ କଠୋର ଆଘାତ ଦେଇଛି। ହିନ୍ଦୁମାନେ ପାକିସ୍ତାନର ସବୁଠାରୁ ବଡ ସଂଖ୍ୟାଲଘୁ ସମ୍ପ୍ରଦାୟ। ସରକାରୀ ଆକଳନ ଅନୁଯାୟୀ ପାକିସ୍ତାନରେ ୭୫ ଲକ୍ଷ ହିନ୍ଦୁ ବାସ କରୁଥିବାବେଳେ ସମ୍ପ୍ରଦାୟ ଅନୁଯାୟୀ ଦେଶରେ ୯୦ ଲକ୍ଷରୁ ଅଧିକ ହିନ୍ଦୁ ବାସ କରୁଛନ୍ତି। ଏହି ଘଟଣାରୁ ଜଣାପଡେ ଯେ, ପାକିସ୍ତାନରେ ସଂଖ୍ୟାଲଘୁ ସଂପ୍ରଦାୟଙ୍କ ପ୍ରତି ମୁସଲିମଙ୍କ ଅତ୍ୟାଚାର ବଢ଼ିବାରେ ଲାଗିଛି ।
