ନୂଆଦିଲ୍ଲୀ, ୨୪/୧୨ : ମହାକାଶକୁ ଗଲା ବ୍ଲୁ ବର୍ଡ ବ୍ଲକ-2 ସାଟେଲାଇଟ୍। ଆଜି ସକାଳ ୮ଟା ୫୫ରେ ଶ୍ରୀହରିକୋଟାରୁ ହେଲା ଉତକ୍ଷେପଣ। ମୋବାଇଲ୍ ଯୋଗାଯୋଗ କ୍ଷେତ୍ରରେ ନୂଆ ମାଇଲଖୁଣ୍ଟ। ମିଶନ ସଫଳ ହେଲେ ବିନା ମୋବାଇଲ୍ ଟାୱାର ରେଞ୍ଜରେ ଥିଲେ ବି ସିଗନାଲ୍ ମିଳିବ। ସାଟେଲାଇଟ ସଠିକ୍ କକ୍ଷପଥରେ ସ୍ଥାପିତ ହେଲେ ଓ ପରୀକ୍ଷଣ ସଫଳ ରହିଲେ ଏହା 4G ଓ 5G ସ୍ମାର୍ଟଫୋନକୁ ସିଧାସଳଖ ସେଲୁଲାର ବ୍ରଡବ୍ୟାଣ୍ଡ ସଂଯୋଗ ଦେବ। ଗ୍ରାହକଙ୍କୁ କୌଣସି ଅତିରିକ୍ତ ଆଣ୍ଟିନା କିମ୍ବା କଷ୍ଟମାଇଜ୍ ହୋଇଥିବା ହାର୍ଡୱେର ଆବଶ୍ୟକ ହେବ ନାହିଁ। Also Read “ପୁଣି ଭାରତ ବିରୋଧରେ ବଡ ଷଡ଼ଯନ୍ତ୍ର କରିଛି ଅତାଙ୍କୀ ଦେଶ ପାକିସ୍ତାନ, ସୀମାରେ ହାଇ ଆଲର୍ଟ !” ବର୍ତ୍ତମାନ ସେଲ୍ ଫୋନଗୁଡ଼ିକୁ 4G କିମ୍ବା 5G ନେଟୱାର୍କ ପାଇଁ ମୋବାଇଲ୍ ଟାୱାର ଆବଶ୍ୟକ। କିନ୍ତୁ ଏହି ସାଟେଲାଇଟର ପରୀକ୍ଷଣ ସଫଳ ହେଲେ ମୋବାଇଲ୍ ଟାୱାର ଯୁଗ ଶେଷ ହୋଇଯାଇପାରେ। ମୋବାଇଲ୍ ନେଟୱର୍କ ପାଇଁ ଦରକାର ପଡ଼ିବନି ଟାୱାର। ସେହିପରି ଅପହଞ୍ଚ ଗ୍ରାମାଞ୍ଚଳ, ମହାସାଗର ଓ ବିମାନ ଯାତ୍ରା ସମୟରେ ନେଟୱାର୍କ କଭରେଜ୍ ସମସ୍ୟାକୁ ଦୂର କରିପାରିବ।
