କେରଳ, ୪/୧୦ : କେରଳ ହାଇକୋର୍ଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଦେଇ କହିଛନ୍ତି ଯେ ଶ୍ୱଶୁର ସମ୍ପତ୍ତିରେ ଜ୍ୱାଇଁ ଆଇନଗତ ଅଧିକାର ଦାବି କରିପାରିବେ ନାହିଁ। ଜଷ୍ଟିସ୍ ଏନ.ଅନିଲ କୁମାର ଏକ ଆଦେଶ ଜାରି କରି କନ୍ନୁରର ତାଳିପରାମ୍ବାରେ ରହୁଥିବା ଡେଭିସ୍ ରଫେଲଙ୍କ ପିଟିସନ ଖାରଜ କରିଦେଇଛନ୍ତି। ଏଥିରେ ସେ ପାୟାନୁରର ନିମ୍ନ ଅଦାଲତଙ୍କ ଆଦେଶ ବିରୋଧରେ ଆବେଦନ କରି ନିଜ ଶ୍ୱଶୁରଙ୍କ ସମ୍ପତ୍ତି ଉପରେ ନିଜର ଅଧିକାର ଥିବା ଦାବି କରିଥିଲେ।
ଶ୍ୱଶୁର ହେଣ୍ଡି ଥୋମାସ ଟ୍ରାଏଲ କୋର୍ଟରେ ଏକ ମକଦ୍ଦମା ଦାୟର କରିଥିଲେ ଯେଉଁଥିରେ ଡେଭିସଙ୍କୁ ତାଙ୍କ ସମ୍ପତ୍ତିରେ କବଜା କିମ୍ବା ସମ୍ପତ୍ତି ଏବଂ ଘରର ଶାନ୍ତିପୂର୍ଣ୍ଣ କବଜା ଓ ଆନନ୍ଦରେ ହସ୍ତକ୍ଷେପ ନକରିବାକୁ ସ୍ଥାୟୀ ପ୍ରତିବନ୍ଧକ ମାଗିଥିଲେ।
