ଶ୍ରୀନଗର, ୧୩/୧୧ : ଦୀପାବଳି ପୂର୍ବରୁ ପାକିସ୍ତାନ ପୁଣି ଥରେ ଏକ ଘୃଣ୍ୟ କାର୍ଯ୍ୟ କରିଛି। ପାକିସ୍ତାନ ଆଜି ଜମ୍ମୁ-କଶ୍ମୀରର ଟାଙ୍ଗଡର ସେକ୍ଟର ଏବଂ ଅନ୍ୟ ୨ଟି ସ୍ଥାନରେ ଅସ୍ତ୍ରବିରତି ଉଲ୍ଲଂଘନ କରିଛି। ପାକିସ୍ତାନ ଗୁଳିରେ ତିନି ଭାରତୀୟ ସେନାର ୩ଜଣ ସୈନିକଙ୍କ ମୃତ୍ୟୁ ହୋଇଥିବା ବେଳେ ୩ ସାଧାରଣ ଲୋକଙ୍କ ଜୀବନ ଯାଇଛି।
ଏହାର ପ୍ରତିଶୋଧ ନେଇ ପାକ୍ ସେନାକୁ ଜବାବ ଦେଇଛି ଭାରତୀୟ ସେନା। ଭାରତୀୟ ସେନାର ପ୍ରତି ଆକ୍ରମଣରେ ୮ ପାକ୍ ସୈନିକ ନିହତ ହୋଇଥିବା ଜଣାପଡ଼ିଛି। ପାକିସ୍ତାନ ପକ୍ଷରୁ ମୃତ୍ୟୁବରଣ କରିଥିବା ସୈନିକଙ୍କ ମଧ୍ୟରୁ ୨-୩ ଏସଏସଜି କମାଣ୍ଡର ସାମିଲ ଅଛନ୍ତି। ଭାରତୀୟ ସେନା ପକ୍ଷରୁ ମିଳିଥିବା ସୂଚନା ଅନୁସାରେ ପ୍ରଥମେ ପାକ୍ ସେନା ଉସୁକାଇବା ପାଇଁ ଗୁଳି ଚାଳନା କରିଥିଲା। ପାକିସ୍ତାନ ଉରିରୁ ଗୁରେଜ ପର୍ଯ୍ୟନ୍ତ ସିଜ୍ଫାୟର ଉଲ୍ଲଂଘନ କରିବା ପରେ ଭାରତୀୟ ସେନା ମୁହଁତୋଡ଼ ଜବାବ ଦେଇଛି।
