ଭୁବନେଶ୍ୱର, ୨୪/୧୧ : ବିଧାନସଭାରେ ଓଡିଶା ଜରୁରୀ ସେବା (ରକ୍ଷଣାବେକ୍ଷଣ) ଅଧିନିୟମ ସଂଶୋଧନରେ ସରକାରୀ କର୍ମଚାରୀଙ୍କ ବେଆଇନ ଧର୍ମଘଟ ପାଇଁ ବିଲ୍ ପାରିତ ହୋଇଛି । ଗୃହମନ୍ତ୍ରୀ ନବୀନ ପଟ୍ଟନାୟକଙ୍କ ପକ୍ଷରୁ ମନ୍ତ୍ରୀ ଡିଏସ ମିଶ୍ରଙ୍କ ଦ୍ୱାରା ଗୃହରେ ଉପସ୍ଥାପିତ ହୋଇଥିବା ଏହି ବିଲକୁ ଦଣ୍ଡବିଧାନ ବ୍ୟବସ୍ଥା ପାଇଁ ବିଜେପି ଏବଂ କଂଗ୍ରେସ ସଦସ୍ୟମାନେ ବିରୋଧ କରିଥିଲେ।
ଏହି ବିଲ୍ରେ ଦର୍ଶାଯାଇଛି ଯେ ଯଦି କୌଣସି ବ୍ୟକ୍ତି ବେଆଇନ ଧର୍ମଘଟ ପାଇଁ ଉତ୍ସାହିତ ଏବଂ ପାଣ୍ଠି ଯୋଗାଉଥିବାର ଦେଖାଯାଏ, ତେବେ ତାଙ୍କୁ ଏକ ବର୍ଷ ପର୍ଯ୍ୟନ୍ତ ଜେଲଦଣ୍ଡ ଏବଂ ୫୦୦୦ ଟଙ୍କା ପର୍ଯ୍ୟନ୍ତ ଜୋରିମାନା ଆଦାୟ କରାଯିବ।
ଏହା ବ୍ୟତୀତ ଅଗ୍ନିଶମ ବିଭାଗ, ଏକ୍ସାଇଜ୍ ବିଭାଗ, ଜଙ୍ଗଲ ବିଭାଗ, ଜେଲ, ସଂସ୍କାର ଏବଂ ଇଲେକ୍ଟ୍ରୋନିକ୍ସ ସମେତ ଅନେକ ଜରୁରୀ ସେବା ବିଭାଗରେ କାର୍ଯ୍ୟ କରୁଥିବା ଯେକୌଣସି ବ୍ୟକ୍ତିଙ୍କ ଧର୍ମଘଟକୁ ନିଷିଦ୍ଧ କରିବାର ନୂତନ ବ୍ୟବସ୍ଥା ରହିଛି। ବିଲର ବ୍ୟବସ୍ଥା ଅନୁଯାୟୀ, ବିଲ୍ ପାସ୍ ହେବା ପରେ କର୍ମଚାରୀଙ୍କ ଦ୍ୱାରା କୌଣସି ବି ହରତାଳକୁ ବେଆଇନ ବୋଲି ବିବେଚନା କରାଯିବ।
