ନୂଆଦିଲ୍ଲୀ, ୧୪/୧ : ପଶ୍ଚିମବଙ୍ଗରେ କିଛି ସାଧୁଙ୍କୁ ପିଲା ଚୋର ସନ୍ଦେହରେ ମାଡ଼ ମାରିବା ଘଟଣା ରାଜନୀତିକ ରୂପ ନେଇଛି । କିଛି ସାଧୁଙ୍କୁ ମାଡ଼ ମାରୁଥିବାର ଦେଖିବାକୁ ମିଳୁଛି। କିଛି ବ୍ୟକ୍ତି ସାଧୁମାନଙ୍କ କେଶ ଟଣାଟଣି କରୁଥିବାର ଅଭିଯୋଗ ମଧ୍ୟ ହୋଇଛି। ରାସ୍ତା ଜାଣିନପାରିବାରୁ କିଛି ଲୋକଙ୍କୁ ରାସ୍ତା ପଚାରି ଥିଲେ । ସାଧୁଙ୍କ ବେଶଭୂଷା ଦେଖି ପିଲା ଚୋରି ବୋଲି ଭାବିନେଇଥିଲେ ଲୋକମାନେ । ଯାହାପରେ କିଛି ଲୋକ ସଂଘବଦ୍ଧ ଭାବେ ସାଧୁମାନଙ୍କୁ ଆକ୍ରମଣ କରିଥିଲେ। ପୋଲିସ ସୂଚନା ପାଇ ଘଟଣାସ୍ଥଳରେ ପହଞ୍ଚି ସାଧୁମାନଙ୍କୁ ବଞ୍ଚାଇବାକୁ ଚେଷ୍ଟା କରିଥିଲା। ସେହି ସମୟରେ ମଧ୍ୟ କିଛି ଅଭିଯୁକ୍ତ ମାଡ ମାରିବାକୁ ପଛାଇନଥିଲେ। ଗୋଟିଏ ପଟେ ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ପାଇଁ ବହୁ ଦୂରଦୂରାନ୍ତରୁ ସାଧୁ ସନ୍ଥ ଅଯୋଧ୍ୟାକୁ ଆସୁଥିବା ବେଳେ ପଶ୍ଚିମବଙ୍ଗ ପୁରଲିଆରେ ଏଭଳି ଘଟଣାକୁ ନେଇ ସାଧୁ ସନ୍ଥଙ୍କ ଗହଣରେ ଅସନ୍ତୋଷ ଦେଖାଦେଇଛି। ତେବେ ଭାଇରାଲ ଭିଡିଓ ଆଧାରରେ ପୋଲିସ୍ ୧୨ ଜଣଙ୍କୁ ଗିରଫ କରିଛି।
