ନୂଆଦିଲ୍ଲୀ, ୦୮/୦୪ : ଆଜି ସକାଳେ ଇଣ୍ଡୋନେସିଆର ପଡ୍ଚିମ ଆଚେ ପ୍ରାନ୍ତରେ ୫.୯ ତୀବ୍ରତାର ଏମ ଭୂକମ୍ପ ଅନୁଭୂତ ହୋଇଛି । ପ୍ରାରମ୍ଭରେ, ଏଜେନ୍ସି ଭୂକମ୍ପର ତୀବ୍ରତା ୬.୨ ବୋଲି କହିଥିଲେ, କିନ୍ତୁ ପରେ ଏହାକୁ କମ୍ କରାଯାଇଥିଲା । ହେଲେ ଏହି ଭୂକମ୍ପ ଯୋଗୁଁ ଏପର୍ଯ୍ୟନ୍ତ କୌଣସି କ୍ଷୟକ୍ଷତିର ରିପୋର୍ଟ ମିଳିନାହିଁ । ଏଜେନ୍ସି ଅନୁଯାୟୀ, ମଙ୍ଗଳବାର ଜାକର୍ତ୍ତା ସମୟ ଅନୁସାରେ ରାତି ୨:୪୮ ରେ ଭୂକମ୍ପ ହୋଇଥିଲା । ଏହା କେନ୍ଦ୍ରସ୍ଥଳ ସିମେଉଲୁ ରିଜେନ୍ସରେ ସିନାବୁଙ୍ଗ ସହରରୁ ୬୨ କିଲୋମିଟର ଦକ୍ଷିଣ-ପୂର୍ବରେ ସମୁଦ୍ର ପତ୍ତନଠାରୁ ୩୦ କିଲୋମିଟର ତଳେ ଥିଲା । ଭୂକମ୍ପ ଯୋଗୁଁ ସମୁଦ୍ରରେ ବଡ଼ ଲହରୀ ଉଠିବାର ସମ୍ଭାବନା ନଥିଲା । ପ୍ରାଦେଶିକ ବିପର୍ଯ୍ୟୟ ପରିଚାଳନା ଏବଂ ପ୍ରଶମନ ସଂସ୍ଥାର ଜଣେ ବରିଷ୍ଠ ଅଧିକାରୀ ଜୋପାନ୍ ଏ ସିନିଅର ସମାଚାର ଏଜେନ୍ସିକୁ କହିଛନ୍ତି ଯେ, ‘‘ଭୂକମ୍ପ ପ୍ରଭାବିତ ଅଞ୍ଚଳଗୁଡିକରେ ବିଶେଷକରି ସିମେଉଲୁ ରିଜେନ୍ସିରେ ଏପର୍ଯ୍ୟନ୍ତ କୌଣସି ଗୁରୁତର କ୍ଷୟକ୍ଷତି କିମ୍ବା ମୃତାହତର ସୂଚନା ନାହିଁ ।’’
ଆପଣଙ୍କୁ କହିରଖୁଛୁ ଯେ ଇଣ୍ଡୋନେସିଆ ଏକ ଦ୍ବୀପପୁଞ୍ଜ ରାଷ୍ଟ୍ର, ଯାହା ଭୂକମ୍ପ ଦ୍ରୁଷ୍ଟିରୁ ସକ୍ରିୟ ପ୍ରଶାନ୍ତ ମହାସାଗରୀୟ ପାଖାପାଖି ଅବସ୍ଥିତ ହୋଇଥିବାରୁ ଭୂକମ୍ପର ସମ୍ଭାବନା ଅଧିକ ରହିଛି । ଦେଶରେ ୧୨୭ ଟି ସକ୍ରିୟ ଜ୍ବାଳାମୁଖୀ ଅଛି ଏବଂ ଏହି କାରଣରୁ ଏଠାରେ ଲଗାତାର୍ ଟେକ୍ଟୋନିକ୍ କାର୍ଯ୍ୟକଳାପ ଜାରି ରହିଛି ।
