ନୂଆଦିଲ୍ଲୀ,୨୭/୩ : ଉତ୍ତର ପ୍ରଦେଶ ବିଧାନସଭା ନିର୍ବାଚନରେ ବିଜେପିର ବିଜୟକୁ ନେଇ ଉତ୍ତର ପ୍ରଦେଶ ରାଜ୍ୟପାଳ ଆନନ୍ଦୀବେନ ପଟେଲ କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଯୋଡିକୁ କେହି ଭାଙ୍ଗିପାରିବେ ନାହିଁ । ରାଜ୍ୟପାଳ ଆନନ୍ଦୀବେନ ପଟେଲ କହିଛନ୍ତି, ୟୁପିର ଜନତାଙ୍କ ସହ ଉତ୍ତର ଭାରତୀୟ ବିଜେପିର ବିଜୟରେ ବଡ଼ ଭୂମିକା ଗ୍ରହଣ କରିଛନ୍ତି । ବଡୋଦର ଓଲପଡ ତୁଗଲକରେ ଏକ ମେଡିକାଲ କଲେଜର ଭିତ୍ତିପ୍ରସ୍ତର ସ୍ଥାପନ କାର୍ଯ୍ୟକ୍ରମରେ ସେ ଏହି କଥା କହିଛନ୍ତି। ଏହି ସମୟରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମାଣ୍ଡଭିୟ ଏବଂ ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ଉପସ୍ଥିତ ରହିଥିଲେ ।
ଆନନ୍ଦୀବେନ ପଟେଲ କହିଥିଲେ, ଆମେ ୟୁପିରେ ସରକାର ଗଠନ କରିଲୁ । ମୋଦୀ-ଯୋଗୀଙ୍କ ଯୋଡିର କୌଣସି ତୁଳନା ନାହିଁ। ୟୁପି ବିଜୟ ପାଇଁ ଅନେକ ଲୋକେ ବିଜେପିକୁ ସମର୍ଥନ କରିଥିଲେ। ଅନେକ ଲୋକେ ବିଜେପିର ପ୍ରଚାର ପାଇଁ ସୁରତରୁ ୟୁପି ଆସିଥିଲେ। ୟୁପିରେ ୩୫ବର୍ଷ ପରେ କୌଣସି ଦଳ ପୁଣି ଥରେ କ୍ଷମତାକୁ ଫେରିପାରିଛି। ଏହି ବିଜୟରେ ଉତ୍ତର ଭାରତୀୟଙ୍କ ବଡ ଭୂମିକା ରହିଛି। ଯେଉଁମାନେ ଗୁଜରାଟରେ ରହି ବିଜେପିକୁ ସମର୍ଥନ କରିଥିଲେ।
