ଦିନକୁ ଦିନ ଏସୟୁଭି ପାଇଁ ଲୋକଙ୍କ କ୍ରେଜ୍ ବଢୁଛି । ଯେଉଁଥିପାଇଁ ଅଟୋ କମ୍ପାନୀଗୁଡିକ ମଧ୍ୟ ଏହି ସେଗମେଣ୍ଟରେ ଫୋକସ କରି ନୂଆ ନୂଆ ଗାଡି ଲଞ୍ଚ କରୁଛନ୍ତି । ୨୦୨୫ ମସିହାରେ ଅନେକ ଏସୟୁଭି ମଡେଲ ଲଞ୍ଚ ହୋଇଛି ଏବଂ ବର୍ତ୍ତମାନ କମ୍ପାନୀଗୁଡିକ ଆସନ୍ତା ବର୍ଷ ପାଇଁ ପ୍ରସ୍ତୁତି କରୁଛନ୍ତି, ଯଦି ଆପଣ ମଧ୍ୟ ଆସନ୍ତା ବର୍ଷ ଏକ ନୂଆ ଇଲେକ୍ଟ୍ରିକ୍ ଏସୟୁଭି କିଣିବାକୁ ପ୍ଲାନିଂ କରୁଛନ୍ତି, ତେବେ ଆପଣ ଜାଣିବା ଉଚିତ ଯେ ଆସନ୍ତା ବର୍ଷ ଅର୍ଥାତ୍ ୨୦୨୬ ରେ ଗ୍ରାହକଙ୍କ ପାଇଁ କେଉଁ ଏସୟୁଭି ଲଞ୍ଚ ହେବାକୁ ଯାଉଛି? ଯାହା ବିଷୟରେ ଆଜି ଆମେ ଆପଣଙ୍କୁ ଜଣାଇବୁ ।
Toyota Urban Cruiser BEV: ଟୟୋଟା ଆସନ୍ତା ବର୍ଷ Urban Cruiser BEV ଲଞ୍ଚ କରିବାକୁ ପ୍ରସ୍ତୁତ ହେଉଛି । କେଉଁ ପ୍ଲାଟଫର୍ମରେ ଏହି ଗାଡ଼ି ପ୍ରସ୍ତୁତ ହେବ ଏବଂ ଏହି ଇଲେକ୍ଟ୍ରିକ୍ ଏସୟୁଭିରେ କେତେ କ୍ଷମତା ବିଶିଷ୍ଟ ବ୍ୟାଟେରୀ ଦିଆଯିବ ତାହା ବର୍ତ୍ତମାନ ସୁଦ୍ଧା ଦିଆଯାଇ ନାହିଁ ।
Tata Sierra EV: ଟାଟା ମୋଟର୍ସର ନୂଆ ଏସୟୁଭି Sierraର ICE ଭର୍ସନ ଲଞ୍ଚ କରିବା ପରେ, କମ୍ପାନୀ ବର୍ତ୍ତମାନ ୨୦୨୬ ଆରମ୍ଭରେ ଏହି କାରର ଅଲ୍-ଇଲେକ୍ଟ୍ରିକ୍ ଭର୍ସନ ଲଞ୍ଚ କରିପାରିବ । Sierra EV କିଛି ବିଶେଷ ଫିଚର୍ସ ପାଇପାରେ ଯେପରିକି କର୍ଭ ଇଭି ଏବଂ ହାରିଅର୍ ଇଭି ଭଳି କିଛି ଖାସ ଫିଚର୍ସ ଯେପରିକି ବ୍ୟାଟେରୀ ସିଷ୍ଟମ୍ ଏବଂ ଇଲେକ୍ଟ୍ରିକାଲ୍ ସେଟଅପ୍ ଇତ୍ୟାଦି ।
Mahindra XUV 3XO EV: ମହିନ୍ଦ୍ରା ଆସନ୍ତା ବର୍ଷ XUV 3XO EV ସହିତ କମ୍ପାକ୍ଟ ଇଲେକ୍ଟ୍ରିକ୍ ଲାଇନଅପ୍ ଏକ୍ସପାଣ୍ଡ କରିବ ବୋଲି ଆଶା କରାଯାଉଛି । ଏହି ଗାଡି ଟାଟା ପଞ୍ଚ ଇଭି ସହିତ ପ୍ରତିଦ୍ୱନ୍ଦ୍ୱିତା କରିବ ଏବଂ ବ୍ରାଣ୍ଡର ସବୁଠାରୁ ସୁଲଭ ଇଲେକ୍ଟ୍ରିକ୍ ଭାବରେ ପ୍ରଦାନ କରାଯିବ ବୋଲି ଆଶା କରାଯାଉଛି । ଏହି ଗାଡ଼ିକୁ ଦୁଇଟି ବ୍ୟାଟେରୀ ଅପ୍ସନରେ ଲଞ୍ଚ କରାଯାଇପାରିବ । ଏହି ଇଲେକ୍ଟ୍ରିକ୍ ଏସୟୁଭି ଥରେ ଚାର୍ଜ ହେଲେ ୪୫୦ କିଲୋମିଟରରୁ ଅଧିକ ଡ୍ରାଇଭିଂ ରେଞ୍ଜ ଦେଇପାରେ ।
Mahindra BE Rall-E: Mahindra BE Rall-E ହେଉଛି ଏକ ଆଡଭେଞ୍ଚର-ସେଣ୍ଟ୍ରିକ୍ ଇଲେକ୍ଟ୍ରିକ୍ ଏସୟୁଭି ଯାହାର ପ୍ରଡକ୍ସନ ଭର୍ସନ ୨୦୨୬ ସୁଦ୍ଧା ଆସିବ ବୋଲି ଆଶା କରାଯାଉଛି । ବ୍ରାଣ୍ଡର ଇଙ୍ଗଲୋ ପ୍ଲାଟଫର୍ମରେ ନିର୍ମିତ ଏହି ଏସୟୁଭିରେ ଅଫ୍-ରୋଡ୍-ଅନୁପ୍ରାଣିତ ଡିଜାଇନ୍ ଏଲିମେଣ୍ଟସ୍ ସହିତ ଖାସ ମେକାନିକାଲ୍ ଅପଡେଟ୍ ମିଳିବ ବୋଲି ଆଶା କରାଯାଉଛି, କିନ୍ତୁ ଏହାର ଇଣ୍ଟେରିୟର BE 6 ସହିତ ସମାନ ହେବ ।
