ବନ୍ଦେ ଭାରତ ଏକ୍ସପ୍ରେସ୍ର IRCTC କର୍ମଚାରୀଙ୍କ ମଧ୍ୟରେ ଝଗଡ଼ା, ବେଲ୍ଟ ଓ ଡଷ୍ଟବିନ୍ରେ ମାଡ଼; Video ଭାଇରାଲ
ନୂଆଦିଲ୍ଲୀ: ଭାରତୀୟ ରେଳବାଇର ପ୍ରତିଷ୍ଠିତ ଟ୍ରେନ୍ ‘ବନ୍ଦେ ଭାରତ ଏକ୍ସପ୍ରେସ୍’ର କର୍ମଚାରୀମାନେ ପରସ୍ପର ସହ ଲଢ଼ିବା ଏବଂ ବେଲ୍ଟ ଓ କୁଡ଼ାଦାନରେ ପିଟାପିଟି ହେବାର ଏକ ଲଜ୍ଜାଜନକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି। ଏହି ଘଟଣାଟି ଦିଲ୍ଲୀର ହଜରତ ନିଜାମୁଦ୍ଦିନ ରେଳ ଷ୍ଟେସନ୍ର ପ୍ଲାଟଫର୍ମରେ ଘଟିଛି।
ସୂଚନା ଅନୁଯାୟୀ, ଗୁରୁବାର ଦିନ ଖଜୁରାହୋ-ବନ୍ଦେ ଭାରତ ଏକ୍ସପ୍ରେସ୍ରେ କାର୍ଯ୍ୟରତ IRCTC ର କ୍ୟାଟରିଂ କର୍ମଚାରୀ (ପ୍ୟାଣ୍ଟ୍ରି ଆସିଷ୍ଟାଣ୍ଟ୍)ଙ୍କ ମଧ୍ୟରେ ଏହି ଝଗଡ଼ା ଆରମ୍ଭ ହୋଇଥିଲା। ଟ୍ରେନ୍ ଭିତରେ ପାଣି ବାକ୍ସ (Water Box) ରଖିବାକୁ ନେଇ ସାମାନ୍ୟ କଥା କଟାକଟି ହୋଇଥିଲା, ଯାହା ପରେ ଉଭୟ ଗୋଷ୍ଠୀ ମଧ୍ୟରେ ମାରପିଟ୍ର ରୂପ ନେଇଥିଲା।
ଭାଇରାଲ୍ ଭିଡିଓରେ କର୍ମଚାରୀମାନେ ପରସ୍ପରକୁ ଧକ୍କା ମାରିବା ସହ, ନିଜ ନିଜ ବେଲ୍ଟ ଖୋଲି ମାଡ଼ ମାରୁଥିବାର ଏବଂ ଷ୍ଟେସନ୍ରେ ଥିବା କୁଡ଼ାଦାନ (ଡଷ୍ଟବିନ୍) କୁ ଅସ୍ତ୍ର ଭାବରେ ବ୍ୟବହାର କରି ଆକ୍ରମଣ କରୁଥିବାର ଦେଖାଯାଇଛି। ଷ୍ଟେସନ୍ରେ ଉପସ୍ଥିତ ଅନ୍ୟ ଯାତ୍ରୀମାନେ ଭୟଭୀତ ହୋଇ ଦୌଡ଼ି ପଳାଇ ଯାଇଥିଲେ।
ଏହି ଘଟଣାକୁ ନେଇ ରେଳବାଇ ଓ ପୁଲିସ୍ ପ୍ରଶାସନ ତତ୍ପରତା ପ୍ରକାଶ କରିଛନ୍ତି। ରେଳବାଇ ପୁଲିସ (GRP) ଏହି ଘଟଣାରେ FIR ରୁଜୁ କରି ତଦନ୍ତ ଆରମ୍ଭ କରିଛି। ଏହା ସହିତ IRCTC ପକ୍ଷରୁ ମାମଲାକୁ ଗୁରୁତର ସହ ନିଆଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ଏବଂ ୪ ଜଣ କର୍ମଚାରୀଙ୍କୁ ଡିଉଟିରୁ ବାହାର (derostered) କରି ଦିଆଯାଇଛି। ରେଳ ଷ୍ଟେସନ ଭଳି ଏକ ସାର୍ବଜନୀନ ସ୍ଥାନରେ କର୍ମଚାରୀମାନଙ୍କର ଏପରି ଆଚରଣ ରେଳବାଇର ଅନୁଶାସନ ଉପରେ ପ୍ରଶ୍ନବାଚୀ ସୃଷ୍ଟି କରିଛି।
IRCTC staffers serving onboard Vande Bharat settle an altercation with dustbin, belt and punches at Nizamuddin station in Delhi. pic.twitter.com/tldenRsRMz
— Piyush Rai (@Benarasiyaa) October 17, 2025
