ଭୁୁବନେଶ୍ୱର, ୦୧/୦୫ : ଅନ୍ତର୍ଜାତୀୟ ଶ୍ରମିକ ଦିବସ ଅବସରରେ ମୁଖ୍ୟମନ୍ତ୍ରୀ ଶ୍ରମିକଙ୍କ ପାଇଁ ବଡ ଘୋଷଣା କରିଛନ୍ତି । ଶ୍ରମିକଙ୍କ ମଜୁରୀ ବୃଦ୍ଧି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ପିଛିଲା ଭାବେ ଏପ୍ରିଲ ୧ରୁ ଲାଗୁ କରିବାକୁ ସରକାର ନିଷ୍ପତ୍ତି ନେଇଛନ୍ତି । ଦୈନିକ ୧୦ ଟଙ୍କା ହାରରେ ଶ୍ରମିକଙ୍କ ମଜୁରୀ ବୃଦ୍ଧି କରାଯାଇଛି । ଅର୍ଥାତ ମାସକୁ ମଜୁରୀ ୩୦୦ ଟଙ୍କା ବୃଦ୍ଧି । ଏହି ବୃଦ୍ଧି ପରେ ଅଣକୁଶଳି ଶ୍ରମିକଙ୍କ ଦୈନିକ ମଜୁରୀ ୪୭୨ ଟଙ୍କା ହୋଇଛି । ସେହିପରି ଅର୍ଦ୍ଧକୁଶଳି ଶ୍ରମିକଙ୍କ ଦୈନିଜ ମଜୁରୀ ୫୨୨ ଟଙ୍କା, କୁଶଳି ଶ୍ରମିକଙ୍କ ୫୭୨ ଟଙ୍କା ଏବଂ ଅତି କୁଶଳି ଶ୍ରମିକଙ୍କ ମଜୁରୀ ୬୨୨ ଟଙ୍କାୁ ବୃଦ୍ଧି ପାଇଛି । ଏପ୍ରିଲ ୧ରୁ ଏହି ପିଛିଲା ଭାବେ ଲାଗୁ କରିବାକୁ ମୁଖ୍ୟମନ୍ତ୍ରୀ ମୋହନ ମାଝୀ ଘୋଷଣା କରିଛନ୍ତି । ଏହି ବୃଦ୍ଧି ଦ୍ୱାରା ରାଜ୍ୟର ବିଭିନ୍ନ କ୍ଷେତ୍ରରେ କାର୍ଯ୍ୟରତ ଶ୍ରମିକମାନେ ଉପକୃତ ହେବେ।
