ନୂଆଦିଲ୍ଲୀ: ଦୀପାବଳି ପୂର୍ବରୁ ଲୋକମାନଙ୍କୁ ନିଶ୍ୱାସ ନେବାରେ ଅସୁବିଧା ସୃଷ୍ଟି କରୁଛି ଦିଲ୍ଲୀରେ ବଢ଼ୁଥିବା ପ୍ରଦୂଷଣ । ଦିଲ୍ଲୀରେ ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ଆଜି ଶୁକ୍ରବାର ସକାଳେ ଅତ୍ୟନ୍ତ ଖରାପ ବର୍ଗରେ ରହିଛି। କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ଅନୁଯାୟୀ ଆଜି ସକାଳ ୮ଟାରେ ଦିଲ୍ଲୀରେ AQI ୩୬୭ ରେକର୍ଡ କରାଯାଇଛି। ଏହି ସମୟ ମଧ୍ୟରେ ଆନନ୍ଦ ବିହାର (୩୭୦) ସର୍ବାଧିକ ଏକ୍ୟୁଆଇ ରେକର୍ଡ କରିଛି, ଏହା ପରେ ୱାଜିରପୁର (୩୨୮), ଜାହାଙ୍ଗୀରପୁରୀ (୩୨୪) ଏବଂ ଅକ୍ଷରଧାମ (୩୬୯) ରହିଛି। ଆଜି ସକାଳେ ଦିଲ୍ଲୀର ଅନେକ ଅଞ୍ଚଳରେ AQI ୨୦୦ଉପରେ ରେକର୍ଡ ହୋଇଛି, ଯାହା ସୂଚାଇ ଦେଉଛି ଯେ ଏହି ଅଞ୍ଚଳଗୁଡ଼ିକରେ ବାୟୁ ଗୁଣବତ୍ତା ‘ଖରାପ’ ହୋଇଯାଇଛି। ଦିଲ୍ଲୀ ସରକାର ଗୁରୁବାର ସନ୍ଧ୍ୟାରେ ୨୦୨୫-୨୬ ପାଇଁ ଏହାର ଶୀତକାଳୀନ କାର୍ଯ୍ୟ ଯୋଜନା ପ୍ରକାଶ କରିଛନ୍ତି। ଏହି ଯୋଜନା ତୁରନ୍ତ କାର୍ଯ୍ୟକାରୀ ହୋଇଛି। ଅକ୍ଟୋବରରୁ ଫେବୃଆରୀ ପର୍ଯ୍ୟନ୍ତ ପ୍ରଦୂଷଣ ନିୟନ୍ତ୍ରଣ ପାଇଁ ପ୍ରସ୍ତୁତ ଆରଏଏସ୍ଏ ଯୋଜନାରେ ସାତଟି ପ୍ରମୁଖ ବିଷୟବସ୍ତୁ ଏବଂ ୨୫ଟି କାର୍ଯ୍ୟ ବିନ୍ଦୁ ଅନ୍ତର୍ଭୁକ୍ତ।
