ନୂଆଦିଲ୍ଲୀ, ୨୯/୦୭ : କର୍ଣ୍ଣାଟକର ଦାଭାନାଗେରେର ଚନ୍ନାଗିରିରେ ଦେଖିବାକୁ ମିଳିଛି ଅଭାବନୀୟ ଘଟଣା। ଛୁଆ ଦେଇପାରିଲାନି ବୋଲି ପ୍ରେମିକ ସହ ମିଶି ସ୍ୱାମୀକୁ ମାରିଦେଲା ସ୍ତ୍ରୀ। ଚନ୍ନାଗିରି ପୋଲିସ ଅଭିଯୁକ୍ତ ପତ୍ନୀ ଏବଂ ତାଙ୍କ ପ୍ରେମିକ ଉଭୟଙ୍କୁ ଗିରଫ କରିଛି।ଅଭିଯୁକ୍ତ ପତ୍ନୀଙ୍କ ନାମ ଲକ୍ଷ୍ମୀ (୩୮)। ତାଙ୍କ ପ୍ରେମିକାଙ୍କ ନାମ ଟିପେଶ ନାଏକ (୪୨)। ଦାଭାନାଗେରେ ଜିଲ୍ଲାର ହୋନାଲି ତାଲୁକର ତ୍ୟାଗଡାକାଟ୍ଟେର ବାସିନ୍ଦା ଲକ୍ଷ୍ମୀ ଏବଂ ନିଙ୍ଗାପ୍ପା ଆଠ ବର୍ଷ ଧରି ବିବାହିତ ଥିଲେ। ବିବାହର ଆଠ ବର୍ଷ ପରେ ମଧ୍ୟ ଏହି ଦମ୍ପତିଙ୍କର କୌଣସି ସନ୍ତାନ ନଥିଲା। ଏପରି କୌଣସି ମନ୍ଦିର କିମ୍ବା ହସ୍ପିଟାଲ ନଥିଲା ଯେଉଁଠାରେ ଲକ୍ଷ୍ମୀ ସନ୍ତାନ ପାଇବା ପାଇଁ ଯାଇ ନଥିଲେ। ଗୋଟିଏ ଦିନ ସେ ଜାଣିବାକୁ ପାଇଲେ ଯେ ନିଙ୍ଗାପ୍ପାଙ୍କ ସନ୍ତାନ ଜନ୍ମ କରିବାର କ୍ଷମତା ନାହିଁ। ନିଙ୍ଗାପ୍ପା ଶ୍ରମିକ ଭାବରେ କାମ କରୁଥିଲେ। ତାଙ୍କର ଟିପେଶ ନାଏକ ଏବଂ ସନ୍ତୋଷଙ୍କ ସହିତ ବନ୍ଧୁତା ଥିଲା। ସେ ଦୁହେଁ ତାଙ୍କ ଘରକୁ ମଧ୍ୟ ଆସୁଥିଲେ। ଏହି ସମୟ ମଧ୍ୟରେ ଟିପେଶ ନାଏକ ଲକ୍ଷ୍ମୀଙ୍କୁ ଭେଟିଥିଲେ। ତା’ପରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ହୋଇଥିଲା। ତା ପରେ ଦୁହେଁ ଅବୈଧ ସମ୍ପର୍କ ମଧ୍ୟ ରଖିଥିଲେ। ଫଳସ୍ୱରୂପ ଲକ୍ଷ୍ମୀ ଗର୍ଭବତୀ ହୋଇଥିଲେ। ମଦ ପିଆଇ ନାଳରେ ଫିଙ୍ଗିଦେଲେ: ସେଠାରେ ତାଙ୍କୁ ପ୍ରଚୁର ମଦ୍ୟପାନ କରାଇ ଭଦ୍ରା ନାଳରେ ଫିଙ୍ଗି ଦେଇଥିଲେ। ପରେ, ଲକ୍ଷ୍ମୀ ଚନ୍ନାଗିରି ଥାନାରେ ଅଭିଯୋଗ କରିଥିଲେ ଯେ ତାଙ୍କ ସ୍ୱାମୀ ନିଙ୍ଗାପ୍ପା ଗୋଡ଼ ଖସିଯାଇ ଭଦ୍ରା ନାଳରେ ପଡ଼ିଯାଇଥିଲେ। ପୋଲିସ ଭଦ୍ରା ନାଳରେ ବ୍ୟାପକ ଖୋଜାଖୋଜି କରିବା ସତ୍ତ୍ୱେ, ନିଙ୍ଗାପ୍ପାଙ୍କୁ ପାଇନଥିଲେ। ଏହି ସମୟରେ, ଟିପେଶ ନାଏକ କାମ ପାଇଁ କେରଳ ଯାଇଥିଲେ ଏବଂ ସେଠାରେ ରହିଲେ। ପରେ, ଟିପେଶ ତାଙ୍କ ପ୍ରେମିକା ଲକ୍ଷ୍ମୀଙ୍କୁ କେରଳ ନେଇଗଲେ। ଲକ୍ଷ୍ମୀଙ୍କ ପରିବାର ଚନ୍ନାଗିରି ଥାନାରେ ନିଖୋଜ ଅଭିଯୋଗ କରିଥିଲେ। ଲକ୍ଷ୍ମୀଙ୍କ ଆଚରଣ ଉପରେ ସନ୍ଦେହ କରି ପୋଲିସ ଟିପେଶ ନାଏକଙ୍କ ବନ୍ଧୁ ସନ୍ତୋଷଙ୍କୁ ଥାନାକୁ ଡାକି ପଚରାଉଚରା କରିଥିଲା। ସନ୍ତୋଷ ସ୍ୱୀକାର କରିଥିଲେ ଯେ, ଲକ୍ଷ୍ମୀ ତାଙ୍କ ପ୍ରେମିକ ଟିପେଶଙ୍କ ସହ ମିଶି ତାଙ୍କ ସ୍ୱାମୀ ନିଙ୍ଗାପ୍ପାଙ୍କୁ ହତ୍ୟା କରିଥିଲେ। ଏହାପରେ ପୋଲିସ ଅଭିଯୁକ୍ତମାନଙ୍କୁ ଗିରଫ କରି ଜେଲକୁ ପଠାଇ ଦେଇଛି।
