ଲୋକଙ୍କ ପ୍ରତି ଭଲ ପାଇବା ଓ ସମ୍ମାନ ବ୍ୟକ୍ତ କରିବା ସର୍ବଦା ପ୍ରଶଂସନୀୟ କାର୍ଯ୍ୟ । ସେଥିପାଇଁ କୁହାଯାଏ ସମ୍ମାନ ଦେଲେ ସମ୍ମାନ ମିଳେ । ହେଲେ ବ୍ରିଟେନରେ ଏକ କାଫେ ଏକ ପଦକ୍ଷେପ ଉଠାଇଛି, ଯେଉଁଥିରେ ଚାରିଆଡ଼େ ତାର ଚର୍ଚ୍ଚା ହେଉଛି । ଏହି କାଫେର ମାଲିକ କହିଛନ୍ତି, ସେ ଏହି ଗ୍ରାହକଙ୍କଠାରୁ ଅଧିକ ଟଙ୍କା ନେବେ, ଯିଏ ବ୍ୟବହାର ଖରାପ କରିବେ । ଏହି ପଦକ୍ଷେପ ନେବାର ଉଦ୍ଦେଶ୍ୟ ଗ୍ରାହକଙ୍କୁ ତାଙ୍କର ଆଦେଶର ସେବା କରୁଥିବା ଲୋକଙ୍କ ପ୍ରତି ଦୟା ପ୍ରଦର୍ଶନ କରିବାକୁ ପ୍ରୋତ୍ସାହିତ କରିବା ।
ଆଉଟ୍ଲୁକ୍ କହିଛି କି, ୨୯ ବର୍ଷୀୟ ଉସ୍ମାନ ହୁସୈନ ଚଳିତ ବର୍ଷ ମାର୍ଚ୍ଚରେ ଚା, ଡୋନଟ, ଷ୍ଟ୍ରିଟ୍ ଫୁଡ୍ ଓ ଡେଜର୍ଟ ରେଷ୍ଟୁରାଣ୍ଟ ଲଞ୍ଚ କରିଥିଲେ । ସେ ଏକ ନୋଟିସ ପୋଷ୍ଟ କରିଥିଲେ, ଯେଉଁଥିରେ କୁହାଯାଇ ଥିଲା କି ଗ୍ରାହକଙ୍କ ଠାରୁ ଗୋଟିଏ ହିଁ ଡ୍ରିଙ୍କ ପାଇଁ ଅଲଗା ଅଲଗା ଶୁଳ୍କ ନିଆଯିବ ଏବଂ ଏହାର ଆଧାର ଏହା କି ସେ କେତେ ସମ୍ମାନର ସହ ଅର୍ଡର କରୁଛନ୍ତି । ଚା ଷ୍ଟପ୍ ଫେସବୁକ୍ ପେଜ୍ରେ ଶନିବାର ଏକ ପୋଷ୍ଟ ବି ସେୟାର କରାଯାଇଛି, ଯେଉଁଥିରେ ଲେଖା ଅଛି, ଦେଶୀ ଚା’ର ମୂଲ୍ୟ ଆପଣଙ୍କୁ ୫ଡଲାର ହେବ, ଦେଶୀ ଚା’ର ମୂଲ୍ୟ ୩ ଡଲାର ହେବ । କିନ୍ତୁ ‘ହେଲୋ, ଦେଶୀ ଚା ପ୍ଲିଜ୍’ର ଦାମ୍ ଆପଣଙ୍କୁ କେବଳ ୧.୯୦ ଡଲାର ହେବ ।
ମଞ୍ଚେଷ୍ଟର ଇଭିନିଂ ନ୍ୟୁଜ୍ ନିଜର ରିପୋର୍ଟରେ କହିଛି କି ହୁସୈନଙ୍କ ଅନୁସାରେ, ରେଷ୍ଟୁରାଣ୍ଟରେ କେବେ ବି କେହି ଖରାପ ପ୍ରକୃତିର ଗ୍ରାହକ ଆସି ନାହାନ୍ତି ଏବଂ ତାଙ୍କୁ ଲାଗୁଛି କି ନିୟମ ଲୋକଙ୍କୁ କାଫେର ମାହୋଲକୁ କେବଳ ଭଲ ଅନୁଭୂତି ପାଇଁ ପ୍ରୋତ୍ସାହିତ କରିବା ପାଇଁ ହୋଇଛି । ସେ ଆହୁରି କହିଛନ୍ତି ଆମେ କେବେ ବି ନିଜର କାଫେରେ ଅସଭ୍ୟ ଗ୍ରାହକଙ୍କୁ ଦେଖିନାହୁଁ । କିନ୍ତୁ ଏହି କାରଣରୁ ଲୋକଙ୍କୁ ଆହୁରି ଭଲ ବ୍ୟବହାର କରାଯାଉଛି । ଆପଣ ଅତିଥି ପରି ମୋର ଏହି କାଫେ ଆସନ୍ତୁ । କହି ରଖୁଛୁ କି ହୁସୈନଙ୍କୁ ଏହି ବିଚାର ଜଣେ ଆମେରିକୀୟ କାଫେର ଫେସବୁକ୍ ପୋଷ୍ଟରୁ ମିଳିଥିଲା ।
