ନୂଆଦିଲ୍ଲୀ,୨୨/୩ : ମଧ୍ୟପ୍ରାଚ୍ୟ ଯୁଦ୍ଧ ପରିସ୍ଥିତି ମଧ୍ୟରେ ପେଟ୍ରୋଲିୟମ, ଅଶୋଧିତ ତୈଳ, ଗ୍ୟାସ, ବିଦ୍ୟୁତ୍ ଏବଂ ସାର କ୍ଷେତ୍ର ସହିତ ଜଡିତ ପରିସ୍ଥିତି ସମୀକ୍ଷା କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଧ୍ୟକ୍ଷତା ଏକ ଉଚ୍ଚସ୍ତରୀୟ ବୈଠକର। ଏହି ବୈଠକରେ ସ୍ଵରାଷ୍ଟ୍ରମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ , ସୀତାରମଣ, ହରଦୀପ ସିଂ ପୁରୀ, ଜେପି ନଡ୍ଡାଙ୍କ ସହ କେନ୍ଦ୍ର ମନ୍ତ୍ରିପରିଷଦର ବହୁ ବରିଷ୍ଠ ସଦସ୍ୟ ପ୍ରମୁଖ ଉପସ୍ଥିତ ରହିଥିଲେ
ଆଲୋଚନାରେ ଦେଶବ୍ୟାପୀ ନିରନ୍ତର ଯୋଗାଣ, ସ୍ଥିର ଲଜିଷ୍ଟିକ୍ସ ଏବଂ ଅତ୍ୟାବଶ୍ୟକୀୟ ସମ୍ପଦର ଦକ୍ଷ ବଣ୍ଟନ ସୁନିଶ୍ଚିତ କରିବା ଉପରେ ଗୁରୁତ୍ୱାରୋପ କରାଯାଇଥିଲା। ପଶ୍ଚିମ ଏସିଆରେ ସଂଘର୍ଷ ଚତୁର୍ଥ ସପ୍ତାହରେ ପ୍ରବେଶ କରିଛି, ଯାହା ହର୍ମୁଜ୍ ପ୍ରଣାଳୀ ଦେଇ ବାଣିଜ୍ୟ ମାର୍ଗକୁ ବାଧାପ୍ରାପ୍ତ କରିଛି। ଫେବୃଆରୀ ୨୮ ତାରିଖରେ ଆମେରିକା ଏବଂ ଇସ୍ରାଏଲ ଦ୍ୱାରା ମିଳିତ ସାମରିକ ଆକ୍ରମଣରେ ୮୬ ବର୍ଷୀୟ ଇରାନର ସର୍ବୋଚ୍ଚ ନେତା ଆୟତୁଲ୍ଲା ଅଲି ଖାମେନିଙ୍କ ହତ୍ୟା ପରେ ଉତ୍ତେଜନା ବୃଦ୍ଧି ପାଇଥିଲା। ପ୍ରତିଶୋଧ ସ୍ୱରୂପ, ଇରାନ ଅନେକ ଉପସାଗରୀୟ ଦେଶରେ ଇସ୍ରାଏଲୀ ଏବଂ ଆମେରିକୀୟ ସମ୍ପତ୍ତିକୁ ଟାର୍ଗେଟ କରିଥିଲା, ଯାହା ଜଳପଥରେ ଆହୁରି ବାଧା ସୃଷ୍ଟି କରିଥିଲା ଏବଂ ଅନ୍ତର୍ଜାତୀୟ ଶକ୍ତି ବଜାର ସହିତ ବିଶ୍ୱ ଆର୍ଥିକ ସ୍ଥିରତାକୁ ପ୍ରଭାବିତ କରିଥିଲା।
