ନୂଆଦିଲ୍ଲୀ, ୦୫/୧୦ : ମହାରାଷ୍ଟ୍ରର ଚନ୍ଦ୍ରପୁର ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଚିମୁର ତାଲୁକାର ଜାମ୍ଭୁଲଘାଟରେ ଅବସ୍ଥିତ ଏକ ସରକାରୀ ମାଧ୍ୟମିକ ଆଶ୍ରମ ସ୍କୁଲରେ ଶୃଙ୍ଖଳା ନାମରେ ପ୍ରାୟ ୮୨ ଜଣ ଛାତ୍ରଙ୍କୁ ଅଧା ଲଣ୍ଡା କରିଦିଆଯାଇଛି । ଅଭିଯୋଗ ହୋଇଛି ଯେ ଶନିବାର ଦିନ ପିଲାମାନେ କେଶ କାଟିବା ସମୟରେ ଖେଳୁଥିଲେ, ଯାହା ଫଳରେ ସୁପରିଣ୍ଟେଣ୍ଡେଣ୍ଟ ରାଗି ଯାଇ ଏଭଳି ଅଜବ ଦଣ୍ଡ ନିର୍ଦ୍ଦେଶ ଦେଇଥିଲେ। ଘଟଣା ପରେ, ବିଦ୍ୟାଳୟର ପ୍ରଧାନ ଶିକ୍ଷକ ସୁପରିଣ୍ଟେଣ୍ଡେଣ୍ଟଙ୍କୁ କାରଣ ଦର୍ଶାଅ ନୋଟିସ ଜାରି କରିଛନ୍ତି, କିନ୍ତୁ ଅଭିଭାବକମାନେ ସମଗ୍ର ଘଟଣାର ତଦନ୍ତ ଏବଂ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି।
