ନୂଆଦିଲ୍ଲୀ, ୦୧/୦୭ : ଉତ୍ତରପ୍ରଦେଶର ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେର ଦେବଖାରୀ ଗ୍ରାମ ନିକଟରେ ଘଣ୍ଟାପ୍ରତି ୧୦୦ କିଲୋମିଟର ବେଗରେ ଲକ୍ଷ୍ନୌ ଅଭିମୁଖେ ଯାଉଥିବା ଏକ ସ୍ଲିପର ବସ୍ ଡ୍ରାଇଭରଙ୍କୁ ନିଦ ଆସିବା ପରେ ଡିଭାଇଡର ଭାଙ୍ଗି ଏକ କାରକୁ ଧକ୍କା ଦେଇ ଏକ ଖାତକୁ ଓଲଟି ପଡ଼ିଥିଲା। ଦୁର୍ଘଟଣାରେ ଏର୍ଟିଗାରେ ଥିବା ପାଞ୍ଚ ଜଣଙ୍କର ମୃତ୍ୟୁ ହୋଇଛି ଏବଂ ପ୍ରାୟ ୧୭ ଜଣ ଯାତ୍ରୀ ଆହତ ହୋଇଛନ୍ତି। ଆଲିଗଡ଼ ଜିଲ୍ଲାର ଖଇରା ଅଞ୍ଚଳର ବାସିନ୍ଦା ମୋହିତ ପ୍ରାୟ ୮୫ ଜଣ ଯାତ୍ରୀଙ୍କୁ ବସରେ ଧରି ହରିୟାଣାର ବିହାରକୁ ଯାଉଥିଲେ। ବସ୍ରେ ଥିବା ଯାତ୍ରୀମାନେ ସୂଚନା ଦେଇଛନ୍ତି ଯେ ଡ୍ରାଇଭର ମଦ୍ୟପାନ କରିଥିଲେ। ବୁଧବାର ସକାଳ ୫ଟାରେ, ଆଗ୍ରା-ଲକ୍ଷ୍ନୌ ଏକ୍ସପ୍ରେସୱେର ଦେବଖାରୀ ଗ୍ରାମ ନିକଟରେ, ଡ୍ରାଇଭର ନିଦରେ ଶୋଇ ପଡ଼ିଥିଲେ। ବସ୍ ଡିଭାଇଡର ଭାଙ୍ଗି ଲକ୍ଷ୍ନୌ-ଆଗ୍ରା ଲେନ୍ ପାର ହୋଇ ଏକ ଏର୍ଟିଗା କାରକୁ ଧକ୍କା ଦେଇ ଏକ ଖାତକୁ ଓଲଟି ପଡ଼ିଥିଲା। ଏହି ଦୁର୍ଘଟଣାରେ ଜଣେ ୫ ବର୍ଷର ଝିଅ ଏବଂ ଜଣେ ୧୩ ବର୍ଷର ଝିଅ ସମେତ ପାଞ୍ଚ ଜଣଙ୍କର ମୃତ୍ୟୁ ହୋଇଛି। ବସ୍ରେ ଥିବା ପ୍ରାୟ ୧୭ ଜଣ ଯାତ୍ରୀ ଆହତ ହୋଇଛନ୍ତି। ପୋଲିସ ମୃତକଙ୍କୁ ଚିହ୍ନଟ କରିବାକୁ ଚେଷ୍ଟା କରୁଛି।
