ଚେନ୍ନାଇ, ୫/୨ : ଇଣ୍ଡିଆ ଏବଂ ଇଂଲଣ୍ଡ ମଧ୍ୟରେ ୪ ଟିକିଆ ଟେଷ୍ଟ ମ୍ୟାଚ୍ ସିରିଜର ପ୍ରଥମ ମ୍ୟାଚ୍ ଆଜିଠାରୁ ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମରେ ଖେଳାଯିବ। ଅଷ୍ଟ୍ରେଲିଆକୁ ଅଷ୍ଟ୍ରେଲିଆରେ ପରାସ୍ତ କରିବା ପରେ ଭାରତୀୟ ଦଳରେ ଆତ୍ମବିଶ୍ୱାସ ବୃଦ୍ଧିପାଇଛି। ଏଥିସହ ଅଧିନାୟକ ବିରାଟ କୋହଲିଙ୍କ ପ୍ରତ୍ୟାବର୍ତ୍ତନ ଦ୍ୱାରା ଦଳ ଅଧିକ ମଜବୁତ ସ୍ଥିତିରେ ଅଛି।
ଚେନ୍ନାଇର ବିଜେତା ପ୍ରତିଯୋଗୀ ଭାବରେ ଭାରତ ଡେବ୍ୟୁ କରିବ କାରଣ ଚେନ୍ନାଇ ୱିକେଟ୍ ସ୍ପିନରଙ୍କୁ ସୁହାଇଥାଏ । ଯେତେବେଳେ ଇଂଲଣ୍ଡ ଶେଷ ଥର ପାଇଁ ୨୦୧୬ରେ ଭାରତ ଗସ୍ତ କରିଥିଲା, ସେତେବେଳେ ସେମାନେ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ ୦-୪ ହାରିଥିଲେ। ତେବେ ଭ୍ରମଣକାରୀ ଦଳ ନିକଟରେ ଶ୍ରୀଲଙ୍କାକୁ ୨-୧ରେ ପରାସ୍ତ କରି ଆସିଛି ଏବଂ ଏହା ସେମାନଙ୍କ ଆତ୍ମବିଶ୍ୱାସ ବଢ଼ିଛି।
ଉଭୟ ଇଂଲଣ୍ଡର ବ୍ୟାଟିଂ ପ୍ରଶିକ୍ଷକ ଗ୍ରାହାମ ଥର୍ପେ ଏବଂ ପରାମର୍ଶଦାତା ଜୋନାଥନ ଟ୍ରଟ କହିଛନ୍ତି ଯେ ପ୍ରଥମ ଇନିଂସରେ ବଡ଼ ସ୍କୋର କରିବା ଏବଂ ତାପରେ ମ୍ୟାଚ ଉପରେ ନିୟନ୍ତ୍ରଣ ରଖିବାକୁ ଇଂଲଣ୍ଡ ଯୋଜନା କରିବ। ଆହତ ଜନିତ କାରଣରୁ ଏହି ମ୍ୟାଚରେ ଅଲରାଉଣ୍ଡର ରବିନ୍ଦ୍ର ଜାଡେଜା, ପେସର ମହମ୍ମଦ ଶାମି ଏବଂ ଉମେଶ ଯାଦବ ଖେଳିବେନାହିଁ । ଭାରତକୁ ବର୍ତ୍ତମାନ ଜସପ୍ରୀତ ବୁମ୍ରା ଏବଂ ଇଶାନ୍ତ ଶର୍ମା ଏବଂ ରବିଚନ୍ଦ୍ରନ ଅଶ୍ୱିନଙ୍କ ଉପରେ ନିର୍ଭର କରିବାକୁ ପଡିବ।
ଗୋଟିଏ ବର୍ଷରେ ଏହା ପ୍ରଥମ ଥର ହେବ ଯେ କୋହଲି ଏବଂ ରୋହିତ ଶର୍ମା ଏକାଠି ଖେଳିବେ। ଏହା ବ୍ୟତୀତ ହାର୍ଦ୍ଦିକ ପାଣ୍ଡ୍ୟା ମଧ୍ୟ ଫେରିବେ। ପାଣ୍ଡ୍ୟା ଅଷ୍ଟ୍ରେଲିଆରେ ବ୍ୟାଟ୍ସମ୍ୟାନ୍ ଭାବରେ ODI ମ୍ୟାଚ୍ ଖେଳିଥିଲେ ମଧ୍ୟ ବୋଲିଂ କରିପାରିନଥିଲେ। କୋହଲି ପୂର୍ବରୁ କହିଥିଲେ ଯେ ପାଣ୍ଡ୍ୟା ଅଲରାଉଣ୍ଡର ଭାବେ ଟେଷ୍ଟ ଦଳରେ ସ୍ଥାନ ପାଇପାରିବେ।
ଭାରତର ରେକର୍ଡ ଉତ୍କୃଷ୍ଟ ରହିଛି
ଚେପକ ନାମରେ ଜଣାଶୁଣା ଚେନ୍ନାଇର ଏମ ଚିଦାମ୍ବରମ୍ ଷ୍ଟାଡିୟମ୍ ପଡ଼ିଆରେ ଇଂଲଣ୍ଡ ବିପକ୍ଷରେ ଆୟୋଜକ ଭାରତର ଭଲ ରେକର୍ଡ ରହିଛି। ଭାରତ ଏବଂ ଇଂଲଣ୍ଡ ଏପର୍ଯ୍ୟନ୍ତ ଏହି ଗ୍ରାଉଣ୍ଡରେ ନଅ ଟେଷ୍ଟ ମ୍ୟାଚ୍ ଖେଳିଛନ୍ତି, ସେଥିମଧ୍ୟରୁ ଆୟୋଜକ ଭାରତ ପାଞ୍ଚଟି ଜିତିଥିବାବେଳେ ଇଂଲଣ୍ଡ ତିନିଟି ମ୍ୟାଚରେ ବିଜୟ ହାସଲ କରିଛି। ଏଥି ସହିତ ୧୯୮୨ରେ ଦୁଇ ଦଳ ମଧ୍ୟରେ ଖେଳାଯାଇଥିବା ମ୍ୟାଚ ଡ୍ର ରହିଥିଲା। ଭାରତ ଶେଷ ଥର ପାଇଁ ୨୦୧୬ରେ ଇଂଲଣ୍ଡ ବିପକ୍ଷରେ ଖେଳିଥିଲା ଏବଂ ଟିମ ଇଣ୍ଡିଆ ଏକ ଇନିଂସ ଏବଂ 75 ରନରେ ଚମତ୍କାର ବିଜୟ ହାସଲ କରିଥିଲା।
ଦଳ: (ସମ୍ଭାବ୍ୟ)
ଭାରତ : ବିରାଟ କୋହଲି (ଅଧିନାୟକ), ମୟଙ୍କ ଅଗ୍ରୱାଲ, ରବିଚନ୍ଦ୍ରନ ଅଶ୍ୱିନ, ଜସପ୍ରୀତ ବୁମ୍ରା, ଶୁଭମାନ ଗିଲ, ହାର୍ଦ୍ଦିକ ପାଣ୍ଡ୍ୟା, ଋଷବ ପନ୍ତ, ଅକ୍ଷର ପଟେଲ, ଚେତେଶ୍ୱର ପୂଜାରା, ଅଜିଙ୍କ୍ୟ ରାହାନେ, ଲୋକେଶ ରାହୁଲ, ରିଦ୍ଧିମାନ ସାହା, ଇଶାନ୍ତ ଶର୍ମା, ରୋହିତ ଶର୍ମା, ୱାଶିଂଟନ୍ ସୁନ୍ଦର, ଶାର୍ଦ୍ଦୁଲ ଠାକୁର, କୁଲଦୀପ ଯାଦବ ।
ଇଂଲଣ୍ଡ: ଜୋ ରୁଟ୍ (ଅଧିନାୟକ), ମୋଇନ୍ ଅଲି, ଜେମ୍ସ ଆଣ୍ଡରସନ୍, ଜୋଫ୍ରା ଆର୍ଚର, ଡୋମ ବେସ୍, ଷ୍ଟୁଆର୍ଟ ବ୍ରଡ୍, ରୋରୀ ବର୍ନସ୍, ଜୋସ୍ ବଟଲର, ଜ୍ୟାକ୍ କ୍ରୋଲି, ବେନ୍ ଫକ୍ସ, ଡାନ୍ ଲରେନ୍ସ, ଜ୍ୟାକ୍ ଲିଚ୍, ଡୋମ୍ ସିବିଲି, ବେନ୍ ଷ୍ଟୋକ୍ସ, ଓଲି ଷ୍ଟୋନ୍, କ୍ରିସ୍ ୱୁକସ୍, ଓଲି ପୋପ୍ ।
