ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ୫୨ ନେତାଙ୍କୁ ପ୍ରଦାନ କରାଗଲା ବୁଲେଟ ପ୍ରୁଫ୍ ଜ୍ୟାକେଟ
ନୂଆଦିଲ୍ଲୀ, ୨୨/୦୮ : ଆସନ୍ତା ୨୦୨୭ ବିଧାନସଭା ନିର୍ବାଚନ ପୂର୍ବରୁ କଡ଼ା ସୁରକ୍ଷା ପଦକ୍ଷେପ ଭାବେ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଓ ବିଏସପି ମୁଖ୍ୟ ମାୟାବତୀଙ୍କ ସମେତ ୫୨ ଜଣ ନେତାଙ୍କୁ ବୁଲେଟପ୍ରୁଫ୍ ଜ୍ୟାକେଟ୍ ଯୋଗାଇ ଦିଆଯାଇଛି। ଏହି ଜ୍ୟାକେଟ୍ ପ୍ରଦାନ କରାଯାଇଥିବା ଅନ୍ୟମାନଙ୍କ ମଧ୍ୟରେ ଉତ୍ତର ପ୍ରଦେଶ ସରକାରଙ୍କ ୧୧ ଜଣ ମନ୍ତ୍ରୀ ମଧ୍ୟ ଅଛନ୍ତି, ସେମାନଙ୍କ ମଧ୍ୟରେ ସଞ୍ଜୟ ନିଷାଦ, ନନ୍ଦ ଗୋପାଳ ଗୁପ୍ତା ‘ନନ୍ଦୀ’ ଓ ଓମ୍ ପ୍ରକାଶ ରାଜଭର ମଧ୍ୟ ଅଛନ୍ତି। ବିଜେପି ନେତା ଅପର୍ଣ୍ଣା ଯାଦବ ମଧ୍ୟ ଏହି ତାଲିକାରେ ଅଛନ୍ତି।
