ଭୁବନେଶ୍ୱର, ୨୯/୦୭ : ନକ୍ସଲମୁକ୍ତ ହେଲା ଝାଡ଼ଖଣ୍ଡ । ଏକ କୋଟି ଟଙ୍କା ପୁରସ୍କାର ରାଶି ଇନାମୀ ହାର୍ଡକୋର୍ ମାଓବାଦୀ ମିସିର ବେସରା ଗିରଫ । ରାଞ୍ଚି, ଝାଡ଼ଖଣ୍ଡରେ ନକ୍ସଲବାଦ ବିରୋଧରେ ଚାଲିଥିବା ଅପରେସନରେ ସୁରକ୍ଷା ବାହିନୀ ଙ୍କୁ ଏକ ବଡ଼ ସଫଳତା ମିଳିଛି । ଏକ ମିଳିତ ଅପରେସନ ରେ, ଝାଡ଼ଖଣ୍ଡ ପୋଲିସ ଏବଂ ସିଆରପିଏଫର କୋବ୍ରା-୨୦୯ ବାଟାଲିୟନ ସିପିଆଇ (ମାଓବାଦୀ)ର କେନ୍ଦ୍ରୀୟ କମିଟି ସଦସ୍ୟ ଏବଂ ୧ କୋଟି ଟଙ୍କା ପୁରସ୍କାର ରାଶି ଇନାମି ମାଓବାଦୀ ମିସିର ବେସରାଙ୍କୁ ଧନବାଦ-ଗିରିଡିହ ସୀମାନ୍ତ ମାନିଆଡିହ ଅଞ୍ଚଳରୁ ତାଙ୍କର ଦୁଇ ସହଯୋଗୀଙ୍କ ସହିତ ଗିରଫ କରିଛନ୍ତି ପୋଲିସ । ଏହି ଗିରଫକୁ ନକ୍ସଲ ବିରୋଧୀ ଅଭିଯାନରେ ଏକ ବଡ଼ ମାଇଲଖୁଣ୍ଟ ବୋଲି କୁହାଯାଉଛି । ଯାହା ଫଳରେ ଝାଡ଼ଖଣ୍ଡରେ ନକ୍ସଲ ସଂଗଠନର କାର୍ଯ୍ୟକଳାପ ଦୁର୍ବଳ ହେବା ସହ ରାଜ୍ୟରେ ଶାନ୍ତି ଓ ସୁରକ୍ଷା ବ୍ୟବସ୍ଥା ଆହୁରି ସୁଦୃଢ଼ ହେବ ବୋଲି ପ୍ରଶାସନ ଆଶା ପ୍ରକାଶ କରିଛି ।
