ମୁମ୍ଵାଇ, ୧୩/୩: ବିଶ୍ବର ସବୁଠାରୁ ବଡ ଆୱାର୍ଡ ଓସ୍କାର। ବର୍ତ୍ତମାନ ଏହାର ୯୫ତମ ଏକାଡେମୀ ପୁରସ୍କାର ଆରମ୍ଭ ହୋଇଛି। ଏଥର ଓସ୍କାର ପୁରସ୍କାର ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହେବ ବୋଲି କୁହାଯାଉଛି। ଫିଲ୍ମ ‘RRR’ ର ‘ନାଟୁ ନାଟୁ’ ଗୀତ ଓସ୍କାର ୨୦୨୩ରେ ଅରିଜିନାଲ ସଙ୍ଗ୍ କ୍ୟାଟେଗାରୀରେ ନୋମିନେସ ହୋଇଛି। ଚଳଚ୍ଚିତ୍ର ‘ଅଲ୍ ଦ ବ୍ରିଦ୍ସ’ ଶ୍ରେଷ୍ଠ ଡକ୍ୟୁମେଣ୍ଟାରୀ ଫିଚର ଫିଲ୍ମ ବର୍ଗରେ ମନୋନୀତ ହୋଇଛି। ଏହି ଗୁଜୁରାଟୀ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଶୌନାକ୍ ସେନ୍।
ତେବେ ଏହାରି ଭିତରେ ଭାରତ ତାହାର ପ୍ରଥମ ଓସ୍କାର ହାସଲ କରିଛି। ଶ୍ରେଷ୍ଠ ଡକ୍ୟୁମେଣ୍ଟାରୀ ସର୍ଟ ଫିଲ୍ମ କ୍ୟାଟେଗୋରୀରେ ‘ଦ ଏଲିଫ୍ୟାଣ୍ଟ ହ୍ୱିସ୍ପର୍’କୁ ସମ୍ମାନୀତ କରାଯାଇଛି। ଏହାର ନିର୍ଦ୍ଦେଶକ କାର୍ତ୍ତିକ ଗୋନସାଲଭେସ୍। କେବଳ ଏତିକି ନୁହେଁ, ଓସ୍କାର ସମାରୋହରେ ଦୀପିକା ପାଦୁକୋନ ଉପସ୍ଥାପିକା ଭାବେ ନଜର ଆସିବେ। # OSCARS95 ସୋସିଆଲ ମିଡିଆରେ ଟ୍ରେଣ୍ଡ କରିବାରେ ଲାଗିଛି। କିନ୍ତୁ ଭାରତର ଅଲ୍ ଦି ବ୍ରିଦ୍ସ ଓସ୍କାର ଜିତିବାରେ ବିଫଳ ହୋଇଛି।
ଏହି ଡକ୍ୟୁମେଣ୍ଟାରୀକୁ କାର୍ଟିକି ଗୋନସାଲଭସ୍ ନିର୍ଦ୍ଦେଶନା ଦେଇଛନ୍ତି ଏବଂ ଏହା ହେଉଛି ତାଙ୍କର ପ୍ରଥମ ଚଳଚ୍ଚିତ୍ର । ଆସନ୍ତୁ ଆପଣଙ୍କୁ କହିବା ଯେ ଏହି କାହାଣୀଟି ୱେମନ ଏବଂ ବେଲିଙ୍କ ବିଷୟରେ, ଯେଉଁମାନେ ଏକ ଛୋଟ ହାତୀ ‘ରଘୁ’ର ଯତ୍ନ ନେଇଛନ୍ତି। ଏହି ଭାରତୀୟ-ଆମେରିକୀୟ ଚଳଚ୍ଚିତ୍ର ତାମିଲନାଡୁର ମୁଦୁମଲାଇ ଜାତୀୟ ଉଦ୍ୟାନରେ ସୁଟିଂ କରାଯାଇଛି ଏବଂ କାର୍ତ୍ତିକଙ୍କ ସହ ଗୁନିତ୍ ମୋଙ୍ଗାଙ୍କ ଦ୍ଵାରା ପ୍ରଡ୍ୟୁସ କରିଛନ୍ତି। ଏହି ଚଳଚ୍ଚିତ୍ରଟି ୯ ନଭେମ୍ବର ୨୦୨୨ରେ ଏହାର ସର୍ବଭାରତୀୟ ପ୍ରିମିୟର୍ ହୋଇଥିଲା ଏବଂ ୮ ଡିସେମ୍ବର ୨୦୨୨ରେ ନେଟଫ୍ଲିକ୍ସରେ ଷ୍ଟ୍ରିମ୍ ହୋଇଥିଲା ।
